Յուրաքանչյուր մարդ սխալվելու իրավունք ունի. մենք կատարում ենք սխալներ, որոնք այս կամ այն կերպ անդրադառնում են մեր կյանքի ընթացքի վրա, սակայն առանց սխալվելու էլ չենք կարող ապրել։

Այնուհանդերձ, ներկայացնում ենք, հայտնի մտածողների կարծիքը և խորհուրդները սխալների վերաբերյալ.

1. Կյանքում մեծագույն  սխալը, որ դուք կարող եք թույլ տալ, դա սխալ կատարելու հնարավորության նկատմամբ մշտական սարսափի մեջ գտնվելն է:   Է. Հաբբարդ

2. Չի սխալվում նա, ով ոչինչ չի անում, թեև դա նրա հիմնական սխալն է:  Ա. Ն. Տոլստոյ

3. Սխալվել կարելի է տարբեր կերպ, ճիշտ վարվել կարելի է միայն մեկ ուղիով, այդ պատճառով էլ առաջինը հեշտ է, իսկ երկրորդը՝ դժվար. վրիպելը հեշտ է, նպատակին խփելը՝ դժվար:   Արիստոտել

4. Նա, ով արմատախիլ է անում իր սխալները և հաղթահարում է թերությունները, եռանդով ու մշտապես շարժվելով առաջ, իր զարգացման մեջ կհասնի մեծ բարձունքների: Է. Թելման

5. Բոլոր մարդիկ սխալվում են, բայց մեծ մարդիկ խոստովանում են սխալները:   Բ. Ֆոնտենել

6. Մեր ամեն մի թերություն ավելի ներելի է, քան այն թաքցնելու համար գործադրած մեր խորամանկությունները: Ֆ. Լարուշֆուկո

7. Վերլուծելով երեկվա սխալները, մենք դրանով իսկ սովորում ենք սխալներից խուսափել այսօր և վաղը:  Վ. Ի Լենին

8. .  Յուրաքանչյուր մարդ սխալվելու իր յուրահատուկ ձևն ունի, առավել ևս, որ սխալները հաճախ ճշգրտությունը ոչ ճիշտ հասկանալու մեջ են: Գ. Լիխտենբուրգ

9. Գիտության մեջ հարկավոր է կրկնել դասերը՝ դրանք լավ հիշելու համար. բարոյականության մեջ հարկավոր է լավ հիշել սխալները՝ դրանք չկրկնելու համար:   Վ. Օ.  Կլյուչևսկի

10.Անկասկած, վատ է շատ թերություններ ունենալը, բայց էլ ավելի վատ է շատ թերություններ ունենալ ու չցանկանալ գիտակցել դրանք իր մեջ, որովհետև դա նշանակում է դրանց ավելացնել նաև ինքնախաբեության թերությունը:  Բ. Պասկալ