Իրանի խորհրդարանի փոխխօսնակ Աբութորաբիի կողմից գործընկերների, պետական պաշտօնատարների, քաղաքական ու մտաւորական պարսիկ շրջանակների ներկայութեամբ Հայոց Ցեղասպանութիւն եզրոյթի բարձրաձայնումը բնութագրելի է որպէս աննախընթաց.-
1 — Զբաղեցնող հանգամանքի մակարդակի առումով,
2- Քաղաքական (արտաքին) պահի եւ մասնաւորապէս Իրան-Թուրքիա ոչ այնքան ջերմ փոխյարաբերութիւնների առումով:
Թեհրանի Հայ Դատի յանձնախմբի միջոցով ամենամեայ կարգով պարսիկ բարեկամների ու պաշտօնական լսարանի համար նախաձեռնւող Հայոց Ցեղասպանութեան տարելիցին նւիրւած հանդիսութիւններին միշտ էլ քիչ թէ շատ՝ ներկայ են եղել խորհրդարանի անդամներ ու այլ բարձրաստիճան պաշտօնեաներ, բայցեւայնպէս՝ փոխխօսնակի մակարդակով, որն հանդէս է գալիս առանձին ելոյթով ու կարեւորը՝ ցեղասպանութիւն եզրոյթի օգտագործմամբ, դա իրօք աննախընթաց է եղել:
Փոխխօսնակ դոկտ. Աբութորաբին իր կարեւոր ելոյթի ընթացքում ակնյայտօրէն փաստեց. «Հայ ժողովրդի արեամբ շաղախւածի ձեռքը այսօր Սիրիայի ժողովրդի արեամբ է շաղախւում…»: Դրանով նա փաստացիօրէն արդարացնում է հայոց պահանջատիրութեան թէ՛ պատմական, եւ թէ՛ իրաւա-քաղաքական այժմէականութիւնն ու անժամանցելիութիւնը:
Միւս կողմից վերջին ժամանակաշրջանում Իրան-Թուրքիա փոխյարաբերութիւններում Սիրիայի ճգնաժամը ըստ էութեան վճռորոշ հանգամանք է հանդիսացել, ընդհուպ մինչեւ Իրանի համար ազգային-պետական շահի ու անվտանգութեան խնդրի վերածւելով: Իսկ այդ դէպքում Իրանը ամէն հիմք ու պատճառ ունի, որպէսզի քաղաքական-դիւանագիտական միջոցներ բանեցնի՝ տարածաշրջանային իր շահերի մասին յորդորների ու զգուշացումների ճամբով ուղերձներ յղելու նոյն տարածաշրջանում սուննիզմով ու «նէոօսմանիզմ»-ով յոխորտացող ու վերստին գլուխ բարձրացնող Թուրքիային:
Եւ այս ընդհանուր կոնտեքստում, ահա, Իրանը, որ անկախ մարտավարական մղումներից՝ խորքում (առանց բարձրաձայնութեան) միշտ էլ իւրայատուկ ոճով ու եղանակով ընդունել-դատապարտել է Հայոց Ցեղասպանութեան իրողութիւնը, այժմ տրամաբանօրէն որդեգրում է նոյն իրողութիւնը բարձրաձայնելու քաղաքականութիւնը: Սա, անշուշտ, տարածաշրջանային մակարդակով աւելիով է ընդգծելու թէ՛ Իրան-Հայաստան բարեկամական-քաղաքական փոխյարաբերութիւնները, եւ թէ՛ խրախուսելու է իրանահայութեանը՝ աւելի ամրակուռ քայլերով իր պահանջատիրութեան ձայնը լսելի դարձնելու ի լուր աշխարհի:
«ԱԼԻՔ» ՕՐԱԹԵՐԹԻ ԳԼԽԱՒՈՐ
ԽՄԲԱԳԻՐ ԴԵՐԵՆԻԿ ՄԵԼԻՔԵԱՆ
- 14:10Հայաստանի համար ճակատագրական հարցի վերաբերյալ որոշումները կայացվել են առանց հայ ժողովրդի կարծիքը հաշվի առնելու. Զախարովա
- 12:10Բաքուն հայտարարել է, որ Ղարաբաղը լքած բնակիչները պահպանում են այնտեղ վերադառնալու իրավունքը
- 14:10Թուրքիայում Մեծամորի ատոմակայանի հարցով դիմել են երկրի խորհրդարանին
- 12:10Կարասինը` ՀՀ-ում ռուսական հեռուստաալիքների հնարավոր փակման մասին. Մենք ուշադիր հետևելու ենք զարգացումներին
- 12:10Թաներ Աքչամ. Ադրբեջանցի զինվորների թևկապին գրված է. «Մի փախիր, հայ։ Դու, ուղղակի, հոգնած կմեռնես»
- 13:10Կիպրոսի ԱԳՆ-ն հայտարարել է, որ դիտարկում է ԼՂ-ից տեղահանվածներին երկրում տեղավորելու հնարավորությունը
- 14:10Ռուսաստանն ակնկալում է, որ Հայաստանի ԱԺ-ում կգտնվեն ուժեր, որոնք չեն հաստատի Հռոմի ստատուտի «տոքսիկ» որոշումը. ՌԴ ԱԳՆ
- 13:10Բաքուն զորք չի ուղարկի Սյունիք՝ միջանցք ստեղծելու համար. Մեծ Բրիտանիայում Ադրբեջանի դեսպան
- 14:10ԱՄՆ-ն չի կարող մրցել Ռուսաստանի հետ Հայաստանի անվտանգության, այդ թվում՝ էներգետիկայի ապահովման հարցում. Պեսկով
- 12:10Ըստ թուրքական ԶԼՄ-ի՝ Ադրբեջանը Հայաստանից պահանջում է 100 մլրդ դոլարի փոխհատուցում