ԲՀԿ-ական   շրջանակներում   պտտվող լուրերի համաձայն, ԲՀԿ քվոտայով  պատգամավոր դարձած  Կարո Կարապետյանը`Յուվեցի Կարոն,  այս օրերին ակտիվ եռուզեռի մեջ է, ոչ ավել ոչ պակաս ՌԴ-ի ծաղկող քաղաքներից մեկում՝ Սանկ Պետերբուրգում, ուր նա թունդ  խորացել է բիզնես գործերի  մեջ:

Ըստ  նույն լուրերի, Յուվեցի Կարոն շատ ու շատ  երեսփոխանների  նման  պատգամավորի   բուն աշխատանքը  թողած զբաղված է նոր պարտնյորներ «կպցնելու»  գործով:  Վերջինս  փորձում է  Հայաստան  բերել Սանկ Պետերբուրգում հաստատված  այն հայ գործարարներին, որոնց այս կամ այն կերպ կարող է հետաքրքրել  օղու  արտադրությունն  ու դրա արտահանումը  ԱՊՀ երկրներ:

Եվ չնայած այն բանին, որ յուվեցի Կարոն  իր  հատուկ խոսակցական ոճի  ու նիստ ու կացի շնորհիվ  հիմնականում չի կարողանում գործնական  շփումների  մեջ լուրջ հաջողություններ ունենալ, ասում են այս անգամ բախտը բերել է, քանի որ  ՌԴ-ի  գործարարներից մի քանիսին նա կարողացել է  այնուամենյանիվ կապել Հայաստանի «ջանին»:

Ի դեպ, պատգամավոր   Կարապետյանը, այս ընթացքում տարվող բանակցություններից մեկի ժամանակ, երբ փորձել է գործարարներից մեկին իբր դրական լույսի տակ ներկայացնել Հայաստանն ու հատկապես   իր  նախընտրած քաղաքական ուժը ԲՀԿ-ն, ասել է, թե՝ «Մենք ապրում ենք, չաղ, բախտավոր ու բարգավաճ երկրում, եթե դուք էլ գաք Հայաստան`ոնց էլ լինի էլի ՀՀ-ի ռազմերների չափով կչաղանաք»:

Արամ Վարդանյան