Հասարակական կարծիքի ուսումնասիրման Gallup հեղինակավոր կազմակերպությունը նախկին ԽՍՀՄ 12 երկրների տարածքում հարցում է անցկացրել ՝ պարզելու բնակիչների՝ հայրենիքից ընդմիշտ հեռանալու ցանկության աստիճանն ու պատճառները

Հարցումն անցկացվել է 2010-2012թթ. ընթացքում՝ Հայաստանում, Մոլդովայում, Ուկրաինայում, Բելառուսում, Ղրղըզստանում, Ռուսաստանում, Ադրբեջանում, Վրաստանում, Ղազախստանում, Տաջիկստանում, Թուրքմենստանում և Ուզբեկստանում։ Արդյունքում հայտնի է դարձել, որ 12 երկրի բնակիչների 15%-ը ցանկանում է մշտական բնակություն հաստատել այլ երկրում։

Պարզվում է, հետխորհրդային երկրներից մանեաշատը հայաստանցիներն են ցանկանում լքել հայրենիքը՝ հարցվածների 40%-ը պատրաստ է Հայաստանից ընդմիշտ մեկնել այլ երկիր:

Իսկ Ուզբեկստանի պարագայում այդ ցուցանիշը կազմում է ընդամենը 5%:

Gallup-ը հարցման ժամանակ մարդկանց  ուղղել է  հետևյալ հարցը.«Եթե Ձեզ հնարավորություն ընձեռվեր, Դուք կհաստատեի՞ք բնակություն այլ երկրում, թե՞ կնախընտրեիք շարունակել ապրել Ձեր հայրենիքում»։ Արդյունքում ստացվել է հետևյալ պատկերը.

Հայաստան՝             40%
Մոլդովա՝                32%
Ուկրաինա՝             21%
Բելառուս՝               17%
Ղրղըզստան՝          16%
Ռուսաստան՝          14%
Ադրբեջան՝             14%
Վրաստան՝              14%
Ղազախստան՝         13%
Տաջիկստան՝            11%
Թուրքմենստան       6%
Ուզբեկստան             5%

Օտար երկրում մշտական բնակություն հաստատելու հիմնական պատճառներն են.
Բարելավել կենսամակարդակը՝ 52 %,
Երեխաների ապագայի համար՝ 13 %,
Աշխատանք գտնելու համար՝ 10 %,
Սոցիալական նպաստների (թոշակ) համար՝ 4 %,
Ընտանիքի մյուս անդամներին մոտ լինելու համար՝ 3 %,
Մարդու իրավունքները չոտնահարող երկրում ապրելու համար՝ 3 %,
Հանցավորության նվազ մակարդակով երկրում ապրելու համար՝ 1 %,
Հայրենիքում եղած բնապահպանական խնդիրների պատճառով՝ 1%,
Այլ պատճառներ՝ 1 %,
Լքելու պատճառը չի նշվել՝ 12 %։

Ուշագրավ է հատկապես այն հանգամանքը, որ հարցված բոլոր երկրներում հայրենիքը լքելու առումով կանայք առաջատար են ճանաչվել (17%), տղամարդիկ՝ (10%):