Մարտի 28-ին ՀՀ հանրային խորհրդի նախագահ Վազգեն Մանուկյանն ընդունել է
««Միդիա-Շանգալ» եզդիների ազգային միավորում» հասարակական
կազմակերպության խորհրդի նախագահ Ամո Շարոյանին, խորհրդի նախագահի
տեղակալ Գյուրջիս Քոչոյանին, մարզերի գծով տեղակալ Սաբրի Բաքոյանին և
կազմակերպության պաշտոնաթերթի՝ «Շանգալ»-ի խմբագիր Զինա Խատիևային:
Ամո Շարոյանը նախ բարձր է գնահատել հայ և եզդի ժողովուրդների դարավոր
բարեկամությունը, ապա ներկայացրել իրենց կազմակերպության հիմնական
նպատակը. այն է՝ մարդու իրավունքների՝ մասնավորապես ազգային
փոքրամասնությունների իրավունքների պաշտպանությունը:
Այնուհետև Շարոյանը բարձրացրել է Հայաստանի պետական կառույցներում
եզդիների ներգրավվածության հարցը՝ կարևորելով ՀՀ Ազգային ժողովում,
Հայաստանի ազգային անվտանգության խորհրդում, ինչպես նաև Տեղական
ինքնակառավարման մարմիններում եզդի ներկայացուցիչ ունենալու
անհրաժեշտությունը:
Վազգեն Մանուկյանն, իր հերթին կարևորելով ազգային փոքրամասնությունների
իրավունքների պաշտպանությանն ուղղված նրանց գործունեությունը,՝
պատրաստակամություն է հայտնել Հանրային խորհրդի շրջանակներում հարցը
բարձրացնել և առաջարկել լուծման մեխանիզմներ՝ միաժամանակ նշելով, որ այդ
բարեփոխումներից պետք է օգտվեն Հայաստանի բոլոր ազգային
փոքրամասնությունները:
Նա առաջարկել է բարձրացված հարցերի հիման վրա պատրաստել փաստաթուղթ, որը
նախ քննարկման կդրվի ՀԽ հանձնաժողովներում, ապա կներկայացվի խորհրդի
քննարկմանը:
Վազգեն Մանուկյանը կարևորել է նաև փաստաթուղթը հանրային քննարկման դնելը,
որպեսզի դրա մշակմանը մասնակցեն նաև հասարակական սեկտորի, ինչպես նաև
Հայաստանի մյուս ազգային փոքրամասնությունների ներկայացուցիչները:
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում