Մինչև մարտի 21-ը ժամը  18.00-ը  տեղի կունենա Երևանի ավագանու ընտրություններում կուսակցական ցուցակների առաջադրումը, այսօր սկսվել է այդ գործընթացը: Ընտրությունները տեղի կունենան մայիսի 5-ին, կընտրվի 65 մարդ:

Մայրաքաղաքի ներկայացուցչական մարմնի ընտրությունները տեղի են ունենում համամասնական կարգով: Ընտրություններում հաղթած կուսակցությունը կնշանակի քաղաքապետին:

Ամենայն հավանականությամբ, ընտրություններում հիմնական պայքարը կընթանա Հայաստանի Հանրապետական կուսակցության, որի համամասնական ցուցակը կգլխավորի գործող քաղաքապետ Տարոն Մարգարյանը, և «Ժառանգություն» կուսակցության միջև:

Հիշեցնենք որ «Ժառանգության»  առաջնորդ Րաֆֆի Հովհաննիսյանը փետրվարի 18-ին կայացած նախագահական ընտրություններում, ԿԸՀ-ի պաշտոնական տվյալներով, հավաքել էր ձայների 37%-ը` զբաղեցնելով երկրորդ տեղը (մայրաքաղաքում նրա արդյունքը կազմել էր 42,9%` պետության գործող ղեկավար Սերժ Սարգսյանի 49,5%-ի դիմաց):

Երևանի ավագանու խորհրդի ընտրություններին իր մասնակցության մասին հայտնել է նաև  «Բարգավաճ Հայաստան» կուսակցությունը: Արդեն որոշակիացվել է, որ ԲՀԿ-ի  համամասնական ցուցակը կգլխավորի Վարդան Օսկանյանը: Կոալիցիայից ևս առաջադրում  կլինի «Օրինաց երկիր» կուսակցության ՀՀԿ-ի հետ իշխող ցուցակը կգլխավորի ԱԻՆ նախարար Արմեն Երիցյանը: