Այսօր Ոստիկանությունը հաղորդագրություն է տարածել, որում նշված է, որ օրեր առաջ Տիգրան Մեծ պողոտայում 1963 թ. ծնված Ավետիս Արզումանյանին վրաերթի է ենթարկել 1996 թ. ծնված Կարեն Վ.-ն:

Իսկ դեպքի հաջորդ օրը՝ մարտի 4-ին, shamshyan.com-ում որպես վրաերթ կատարող` նշված էր մեկ այլ անուն՝ 27-ամյա Արման Վարդանյան: Ըստ Շամշյանի, նա հեղինակություն համարվող Վստրեչի Ապեր մականունով` Արամ Վարդանյանի եղբոր որդին էր:

Ինչպես նկատեցինք, Ոստիկանության և Գագիկ Շամշյանի հայտնած տեղեկությունները տարբերվում են միմյանցից:

Այսինքն, վրաերթ կատարած անձն ուղիղ 10 տարով մեծ է Ոստիկանություն ներկայացած անչափահաս Կարեն Վարդանյանից:

«Հայկական Վարկած»-ը փորձեց Գագիկ Շամշյանից պարզել` ինքն է սխալվել թե՞…

«Եղբայրը եղբոր հանցանքն է վերցրել է իր վրա», — ասաց Շամշյանը պարզաբանելով որ, այժմ ներկայացվում է, թե կրտսեր եղբայրը միջադեպից հետո վախեցել է և փախել, ավագ եղբայրն է եկել դեպքի վայր: Սակայն հիմա նա եկել է և խոստովանել, թե ինքն է կատարել վրաերթը»:

Մնում է պարզել, ոստիկանությունը կերե՞լ է կուտը, թե պարզապես Վստրեչի Ապերին ընդառաջ են գնացել: Ինչ խոսք, անչափահասների նկատմամբ շատ ավելի մեղմ պատիժ է սահմանված: