Էլեկտրոնային հաշվետվությունների ներկայացման գործընթացում առաջացած խնդիրների վերաբերյալ Պետական եկամուտների կոմիտեն բազմիցս հանդես է եկել պարզաբանումներով՝ նշելով, որ «Եկամտային հարկի և պարտադիր կուտակային վճարի անձնավորված հաշվառման համակարգ»-ի շահագործման գործընթացն իրականացվում է մասնակից կողմերի համագործակցությամբ, և հաշվետվությունների ներկայացման ընթացքում ի հայտ եկած դժվարությունները պայմանավորված չեն ՊԵԿ-ի թերացմամբ կամ կոմիտեի էլեկտրոնային հաշվետվությունների համակարգով, ինչպես փորձ է արվում ներկայացնել: Իրազեկվել է, որ հարկ վճարողների մուտքագրած անձնավորված տվյալների համապատասխանությունը ստուգվում է ՊԵԿ-ի լիազորությունների շրջանակներից դուրս՝ այլ տեղեկատվական համակարգերի կողմից:
Երեկ, սակայն, նույն խնդրի վերաբերյալ հանդես է եկել նաև Մարդու իրավունքների պաշտպանը, ում տարածած հայտարարության մեջ, որպես «էլեկտրոնային հաշվետվությունների համակարգի խափանման» պատասխանատու նշվել է ՊԵԿ-ը: Ուստի ևս մեկ անգամ անհրաժեշտ ենք համարում պարզաբանել, որ, կիսելով ՄԻՊ-ի մտահոգությունը տնտեսվարող սուբյեկտների կողմից իրենց իրավունքների կատարման անհրաժեշտության առնչությամբ, միաժամանակ հարկ ենք համարում կրկին տեղեկացնել, որ ՊԵԿ-ն իր իրավասությունների սահմաններում ձեռնարկել է անհրաժեշտ բոլոր միջոցառումները՝ տնտեսվարող սուբյեկտների համար արդյունավետ էլեկտորային հաշվետվողական համակարգ ներդնելու ուղղությամբ: Սակայն, ինչպես արդեն նշեցինք, գործընթացը չի սահմանափակվում միայն ՊԵԿ-ի գործողություններով, այլ անմիջականորեն պայմանավորված է այլ հանրապետական մարմինների կողմից ինչպես գործընթացների իրականացմամբ, այնպես էլ վերջիններիս էլեկտրոնային համակարգերի արդիականացմամբ ու ՊԵԿ-ի տեղեկատվական համակարգի հետ ներդաշնակեցմամբ: Մասնավորապես՝ որպեսզի ՊԵԿ տեղեկատվական համակարգը կարողանա ընդունել էլեկտրոնային հաշվետվությունները, անհարժեշտ է, որպեսզի տրամադրվեն նույնականացման քարտ, կարդացող սարք, իսկ համակարգ մուտք գործելու պահին համապատասխան պետական գերատեսչությունների համակարգերն առցանց եղանակով հավաստեն և նույնականացնեն համակարգ մուտք գործողի անհատական տվյալները: Կարծում ենք առավել քան հասկանալի է, որ ՄԻՊ-ի բարձրացրած խնդիրը կապված է ոչ թե ՊԵԿ-ի էլեկտրոնային համակարգի, այլ վերոգրյալ էլեկտրոնային համակարգերի ոչ ներդաշնակ աշխատանքի հետ, իսկ թվարկվածն էլ բավարար է հավաստելու, որ ՊԵԿ-ի գործառույթների և էլեկտրոնային համակարգերի աշխատանքի հետ խնդիրն առնչություն չունի:
Ավելին՝ ՊԵԿ-ն ինքն է ձեռնամուխ եղել նշված խնդիրների ահազանգմանը և բազմիցս այդ հարցերը բարձարացրել պատասխանատու գերատեսչությունների առջև:
Հաշվի առնելով այն հանգամանքը, որ ստեղծված իրավիճակում հաշվետվություններ չներկայացնելու դեպքում բացակայում է իրավախախտման կազմը, ՊԵԿ-ը որդեգրել է նշված տնտեսվարող սուբյեկտներին վարչական պատասխանտվության ենթարկելուց ձեռնպահ մնալու քաղաքականություն: Խնդրի կարգավորման նպատակով դեռևս փետրվարի 20-ին ՊԵԿ և ֆինանսների նախարարության ղեկավարության մասնակցությամբ վարչապետի մոտ կայացած խորհրդակցության ժամանակ հանձնարարվել է չկիրառել վարչական պատասխանատվության միջոցներ, նույն օրը հարցի վերաբերյալ զանգվածային լրատվամիջոցներով հանգամանալի պարզաբանումներ է ներկայացրել ՊԵԿ նախագահը:
Միևնույն ժամանակ մեր ափսոսանքն ենք հայտնում Մարդու իրավունքների պաշտպանի՝ հրապարակավ հանդես գալու տոնի ու ձևի առթիվ և համարում ենք, որ դրանք ամենևին չեն համապատասխանում կատարված ուսումնասիրության և առկա խնդիրների աղբյուրների բացահայտման աշխատանքի որակին:
- 15:10Դատախազությունը պահանջում է բռնագանձել Արամ Հարությունյանին և նրա կնոջը պատկանող մի շարք գույքեր
- 12:10Դիլիջանի քրեականի պետը զղջացել է արարքի համար, ներողություն խնդրել երիտասարդից․ նոր մանրամասներ
- 15:10Ծխախոտի արտադրությամբ զբաղվող ընկերության կողմից առանց ակցիզային դրոշմանիշերի ծխախոտի իրացման խոշոր դեպքեր են բացահայտել
- 13:10«Ճվճվ Արոյին» 2000 դոլարի պարտքի համար կատարված սպանությունը նոր ընթացք է ստանում. «Նորատուսցի Ալիկի», «Բդոյի», «Չարբախցի Գեղամի» գործով դատական ակտը բեկանվել է
- 12:10Ինչպե՞ս է հայտնաբերվել 1 տոննա կոկաինը. Միհրան Պողոսյանը նոր տեսանյութ է հրապարակել (տեսանյութ)
- 14:10Միհրան Պողոսյանը թմրանյութի գործով 6 փաստ է հրապարակել
- 15:10Ֆենտանիլը եղել է քաղցրավենիքի մեջ. Հայաստանի եւ ԱՄՆ քաղաքացիներ են ձերբակալվել. ՊԵԿ-ը մանրամասնում է
- 11:10Փաշինյանն իր ասուլիսում Գայանե Հակոբյանի գործով մեղադրական ակտ կայացրեց. փաստաբան
- 15:10Կանխվել է մաքսանենգ ճանապարհով ՀՀ տարածք առանձնապես խոշոր չափերի թմրամիջոց, զենք-զինամթերք տեղափոխելու դեպք. ԱԱԾ
- 15:10Ենթադրյալ առևանգման՝ հնչեղության ստացած գործով, առաջին հայացքից, ֆիզիկական բռնություն չի կիրառվել, այս ամենը, համենայն դեպս Կնոջ կողմից պլանավորված չէ եղել