«Հայկական Վարկած»-ի քաջատեղյակ աղբյուրները փոխանցում են, որ այսօր, Կոտայքի մարզում գտնվող «Մորի Պլազա» համալիրում իրար գլուխ են հավաքվելու ՀՀ-ի վաստակած մարզպետներ` Կովալենկո Շահգալդյանը, Տավուշի՝ ձեռք ու ոտք ընկած մարզպետ Արմեն Ղուլարյանը, որի գլխին իշխանական սև ամպեր են կուտակվել, Արմավիրի մարզպետ Աշոտ Ղահրամանյանը, Շիրակի՝ արդեն նախկին մարզպետ Աշոտ Գիզիրյանը, ինչպես նաև Արագածոտնի մարզպետ Սարգիս Սահակյանը, որն անպայման վերցրած կլինի իր հայտնի կարակուլե փափախը, ինչի հետ կապված անեկդոտներ են պատմում նրա գործընկերները:

Ինչևէ, նախագահական ընտրություններում իրենց այս կամ այն կերպ դրսևորած մարզային իշխանիկներն այսօր պատրաստվում են, չգիտես ինչ երեսով ու սրտով, նշելու իրենց «հաղթանակը», որի պատվին նրանք «Մորի Պլազա» են հրավիրել հայտնի երգիչների ու պարային խմբի հետաքրքիր մի բույլի, որոնք պետք է իրենց երգով ու պարով լիցքաթափեն «ազգի բեռը կրողներին»:
Իսկ թե քեֆ — ուրախությունից հետո, սույն պարոններից ամեն մեկը «որ հասցեով է գնալու» կարդացեք «Հայկական Վարկած»-ի երկուշաբթի օրվա լրահոսում:

Արամ Վարդանյան