Այսօր՝ փետրվարի 18-ին, Հայաստանում նախագահական ընտրություններ են: Առավոտյան ժամը 8:00-ից բացվել են Հանրապետությունում գործող բոլոր՝ 1988  ընտրատեղամասերը և ընտրողները քվեարկել կարող են մինչև ժամը 20:00-ն:

Քվերակությանը պետք է մասնակցեն ընտրողների կեսից ավելին, որպեսզի ընտրությունները համարվեն կայացած: Առաջին փուլում հաղթելու համար թեկնածուները պետք է ստանան քվեների  50%-ը  + 1 ձայն,հակառակ դեպքում,  երկու շաբաթ անց տեղի կունենա ընտրությունների երկրորդ փուլը:

Կենտրոնական ընտրական հանձնաժողովը պաշտոնապես գրանցել է 8 թեկնածու, թեև՝ առաջադրվել էին 15-ը:

ՀՀ նախագահի թեկնածուներն են՝ ՀՀ գործող նախագահ Սերժ Սարգսյան, «Ժառանգություն» կուսակցության առաջնորդ Րաֆֆի Հովհաննիսյան, «Ազատություն» կուսակցության ղեկավար Հրանտ Բագրատյան, «Ազգային ինքնորոշում» միավորման ղեկավար Պարույր Հայրիկյան, Լեռնային Ղարաբաղի նախկին արտգործնախարար Արման Մելիքյան, «Ռադիո հայ» խորհրդի նախագահ, քաղաքագետ Անդրիաս Ղուկասյան և անկուսակցական, էպոսագետ Վարդան Սեդրակյան: