«Հայկական վարկած»-ի զրուցակիցն է հայկական կինոյի ու թատրոնի սիրված դերասաններից Վահագն Գալստյանը:
-Մի քանի բառով պատմեք Ձեր մասին, որտե՞ղ եք ավարտել, եր՞բ եք սկսել դերասանական կարիերան.

-Ծնվել եմ 1978թ հունվարի 31-ին Աբովյան քաղաքում: Ավարտել եմ թատրոնի և կինոյի ինստիտուտը՝ դերասանական բաժինը, Արմեն Էլբակյանի գլխավորությամբ: 2001թ. աշխատել եմ Երևանի Խամաճիկների թատրոնում,նույն թվականից էլ Երևանի Հրաչյա Ղափլանյանի անվան դրամատիկական թատրոնում մինչ օրս:

— Փաստորեն, թատրոնում էլ եք խաղում, ո՞րն է ավելի հոգեհարազատ.

-Ինձ շատ ավելի լավ եմ զգում թատրոնում: Թատրոնում ինձ ավելի հոգեհարազատ է:

-Հավանո՞ւմ եք Ձեր կերպարը «Անծանոթներ» սերիալում, նմանություն տեսնո՞մ եք Ձեր և Ալիկի միջև
-Շիպցի Ալիկի կերպարը հավանում եմ,ընդհանուր առմամբ նման չեմ կերպարիս, բայց կան գծեր որ նման են, ընկերասիրությունը, հավատարմությունը, ազնվությունը:

-Համաշխարհային կինոից կամ հայ դերասաններից ո՞ւմ եք հավանում.

-Համաշխարհային կինոյից շատ սիրում եմ Թիմ Ռոթին,Մել Գիփսոնին,ռուսներից Եվգենի Լեոնով,Անդրեյ Միրոնով,Սերգեյ Բեզրուկով …շատ են, իսկ հայերից ինձ համար եղել է և կա Ֆրունզը: Շատ եմ սիրում և պատիվ եմ ունեցել աշխատել  նաև Վլադիմիր Մսրյանի հետ:

-Եթե կարողանայիք ժամանակը հետ տալ, ի՞նչ կփոխեիք Ձեր կյանքում.

-Ես իմ կյանքից գոհ եմ թե գործնական, և թե անձնական առումով, բնականաբար ոչինչ չէի փոխի:

—Վերջին անգամ ի՞նչ բամբասանք եք լսել Ձեր մասին

-Բամբասանքներին ժպիտով եմ վերաբերվում: Վերջին բամբասանքն եղել է այն,որ ֆիլմի մեքենան (Hummer)-ը իմ անձնականն է, իսկ Մերիի դերակատարուհի Սոֆյա Պողոսյանը կինս է:

—Ժամանակին նկարահանվում էիք «11» սերիալում, եթե չեմ սխալվում, հենց այդ սերիալի միջոցով ճանաչում ձեռք բերեցիք: Կասեք ինչո՞ւ սերիալը կիսատ մնաց և անորոշության մեջ թողեց հանրությանը

-11 սերիալի ճակատագիրն ինձ էլ հայտնի չէ մինչ օրս, թե ինչու կիսատ մնաց չգիտեմ:

Գարիկ Ավետիսյան