Ֆլորիդայից մինչև Պուերտո Ռիկո, այնտեղից էլ մինչև Բերմունդյան կղզիներ ընկած տարածքն ունի աշխարհագրական այնպիսի դիրք, որը ստեղծում է յուրատեսակ կապ տիեզերքի հետ:

Ատլանտյան օվկիանոսի արևմտյան այս հատվածը համարվել է հարյուրավոր նավերի, ինքնաթիռների, ռազմածովային ուժերի կործանման վայր. աղետների հենց այս կենտրոնը կոչվում է Բերմունդյան եռանկյունի:

20-րդ դարից ի վեր նշված վայրը մարդկանց ահաբեկող խոշորագույն կետն է:
1993-ին տեղի ունեցած դեպքն արտասովոր և անհավանական է թվում. աղետի կենտրոնում անհետանում է մի նավ` երեք ձկնորսներով, որոնց մասին շուրջ մեկ տարի ոչինչ հայտնի չի լինում, սակայն մեկ տարի անց նրանք հայտնվում են և պատմում, որ իրենց նավին փոթորկի ժամանակ մոտեցել է մի մեծ նավ, որի նավաստին նրանց օգնել է: Այդ մարդը եղել է տարօրինակ արտաքինով և խոսել է հին անգլերենով: Իսկ ամենից զարմանալին այն է, որ ձկնորսներին մեկ տարին մի քանի օր է թվացել, և նրանք անգամ պատկերացում չեն ունեցել, որ մեկ տարի գտնվել են Բերմունդյան եռանկյունու թակարդում:

Նույնատիպ մի դեպք էլ արձանագրվել էր 1945 թ-ին: Ամերիկյան ռազմածովային օդուժի աշխատակիցները , մոտենալով կղզիներին, հայտնել են, որ իրենց մոտ ստեղծվել է վթարային իրավիճակ` տեղանքը կտրտված է, իսկ երկինքն առհասարակ չի երևում: Մի քանի վայրկյան անց նրանց մասին խոսել են արդեն անցյալով:

Արտասովոր ու աղետալի այս որոգայթի մասին գրվել են շատ գիտական հետազորություններ, ուսումնասիրությունների արդյունքները ամեն անգամ նոր վարկածի են հանգեցնում: