Այսօր` ՀՀ պաշտպանության նախարարությունում անցկացվել է Հայաստանի Հանրապետության օրենսդիր, գործադիր և դատական իշխանությունների ղեկավարության ընդլայնված կազմով նիստ` Հանրապետության նախագահ, ՀՀ զինված ուժերի գերագույն գլխավոր հրամանատար Սերժ Սարգսյանի գլխավորությամբ:
Նախագահի մամուլի գրասենյակից հայտնում են, որ նիստը նվիրված է եղել Հայաստանի Հանրապետության պաշտպանության և անվտանգության ոլորտների համար անցյալ տարի առանցքային նշանակություն ունեցած երկու կարևորագույն միջոցառումների` Հավաքական անվտանգության պայմանագրի կազմակերպության շրջանակներում «Փոխգործակցություն-2012» և Ռազմավարական հրամանատարաշտաբային զորավարժությունների ու դրանց նախորդող պետական և տարածքային կառավարման մարմինների մասնակցությամբ ռազմաքաղաքական փուլի արդյունքների ամփոփմանը: Նիստին մասնակցել են Հայաստանի Հանրապետության ազգային անվտանգության խորհրդի, Ազգային ժողովի հանձնաժողովների ու խմբակցությունների ղեկավարները, կառավարության անդամները, պետական ու տարածքային կառավարման մարմինների ղեկավար կազմը, պաշտպանության նախարարության ղեկավարությունը և զինված ուժերի բարձրագույն սպայակազմը:
Նիստում զեկույցով հանդես է եկել պաշտպանության նախարար Սեյրան Օհանյանը՝ ներկայացնելով Հայաստանի Հանրապետության շուրջ ձևավորված ռազմաքաղաքական իրավիճակը, առկա մարտահրավերները և դրանց դիմագրավման ուղիները, անդրադարձել՝ համապետական զորավարժությունների անցկացման նպատակներին, եղանակներին ու արձանագրված արդյունքներին:
Պաշտպանության նախարարը հանգամանորեն անդրադարձել է նաև զորավարժությունների անցկացման առանձին փուլերին և դրանց իրականացմանը ներգրավված մարմինների աշխատակարգին՝ սկսած ազդարարումից, մարտական խնդիրների ստացումից ու վերլուծությունից, մինչև որոշումների ընդունումը և իրագործումը, ներկայացրել է զորավարժությունների ժամանակ բարձր ֆունկցիոնալ պատրաստվածությամբ ու կատարողական վարպետությամբ աչքի ընկած գերատեսչություններին:
Ընդլայնված նիստում ելույթ է ունեցել ՀՀ նախագահ, ՀՀ զինված ուժերի գերագույն գլխավոր հրամանատար Սերժ Սարգսյանը:
- 13:10Պեսկով․ Ռուսաստանն իր գործը պետք է ավարտին հասցնի
- 12:10Իսկ հիմա Թուրքիայում ստեղծված նոր կառավարության մասի հակիրճ. ագրեսիվ ռազմականացված քաղաքականությունը շարունակվելու է.
- 11:10Ադրբեջանցիները Սյունիքի և Գեղարքունիքի ցանքատարածություններում խրամատներ են փորել, վնասել ցորենի, գարու արտերը
- 14:10Ադրբեջանցիներն ավերել են Լաչինի պատմական գերեզմանոցը. monumentwatch.org
- 13:10Տիգրանաշենն «անկլավի» կարգավիճակ չի ունեցել, պատմական հայկական գյուղ է, կազմել է Հայաստանի առաջին Հանրապետության և Խորհրդային Հայաստանի մասը
- 12:10Էրդողանը չի նշել Փաշինյանին՝ թվարկելով երդմնակալության բարձրաստիճան հյուրերին
- 11:10Ադրբեջանի ԶՈւ-ն խրամատներ են փորել ու տեղակայվել բնակիչներին պատկանող խոտհարքներում․ ՄԻՊ արտահերթ զեկույցը
- 14:10«Պահը ճակատագրական է, հապաղումը հանգեցնելու է անդառնալի հետևանքների»
- 13:10Ըստ թուրքական NTV-ի՝ հավանական է, որ Նիկոլ Փաշինյանը մասնակցի Էրդողանի երդմնակալության արարողությանը
- 12:10Արցախում օրը ցերեկով ցեղասպանություն է, Ադրբեջանը կամ պետք է ցեղասպանի Արցախի ժողովրդին, կամ հայաթափի. Պարգև Սրբազան