Այսօր ՀՀ ԿԱ պետական գույքի կառավարման վարչության պետ Արման Սահակյանը Կառավարության նիստի ժամանակ շատ հետաքրքիր տեղեկություն է հայտնել:

Բանն այն է, որ ՀՀ կառավարությունը որոշում է կայացրել կրկին փորձել  Արտգործնախարարության շենքը վաճառել. այս անգամ, արդեն, դասական աճուրդում, որ կազմակերպվի ՀՀ պետական եկամուտների կոմիտեի կողմից:

«Որոշումը պայմանավորված է հանրության կողմից նշված գործարքի նկատմամբ մեծ հետաքրքրությամբ, և նպատակահարմար է եղել Կառավարական թիվ երկու շենքը ձեռքբերած «Տանգո» ՓԲԸ-ի հետ կնքել նոր համաձայնագիր՝ ավելի բարձր արժեք սահմանելու համար»,- նշել է Արման Սահակյանը:

Ստացվում է, որ եթե հանրային հետաքրքրությունը չլիներ, շենքը ջրի գնով տալու էին «Տանգո» -ին:

Միայն մնում է հասկանալ՝ սա հերթական խա՞ղ է՝  կառավարությունը նոր՝ ավելի շահավետ գործարքի հոտ է առել, թե՞ նախագահականին ընդառաջ, փորձում են հանրության կարծիքը արժևորել, մինչև….

«Կախված աճուրդում առաջարկված առավելագույն գնից՝ կորոշվի շենքի հետ կապված հետագա անելիքները»,- ասել է Արման Սահակյանը: