«Հարսնաքար» ռեստորանային համալիրի տարածքում հունիսի 17-ի բռնարարքի գործով այսօրվա նիստում Երևանի Ավան և Նոր Նորք վարչական շրջանների դատարանը՝ դատավոր Դավիթ Հարությունյանի նախագահությամբ, մերժեց ամբաստանյալ Դավիթ Ադամյանի պաշտպան Սերգեյ Մկրտչյանի միջնորդությունն իր պաշտպանյալին 5-օրյա կարճաժամկետ մեկնում տրամադրելու մասին:
Ըստ պաշտպանի, ամբաստանյալի մայրը՝ Աղավնի Ադամյանը, ու կինը՝ Զարինե Հակոբյանը, վերջերս տուժել են ավտովթարից՝ մայրը գտնվում է վերակենդանացման բաժնում, իսկ կինը վիրահատության է ենթարկվել և ներկայումս շարունակում է բուժումը հիվանդանոցային պայմաններում: Կարճաժամկետ մեկնումը հնարավորություն կտա ամբաստանյալին տեսակցել իր մերձավորներին, ինչպես նաև իր մանկահասակ երեխային հանձնել ընկերոջ խնամքին՝ ներկայումս երեխան գտնվում է ազգականի խնամքի ներքո:
Տուժող ու պաշտպանական կողմերը չառարկեցին միջնորդության դեմ, սակայն դատարանը գտավ, որ թեև ամբաստանյալ, «Հարսնաքար» ռեստորանային համալիրի մատուցող Դ. Ադամյանը չի մեղադրվում առանձնապես ծանր հանցագործության մեջ և օրենքը թույլ է տալիս նրան տրամադրել կարճաժամկետ մեկնում, սակայն պաշտպանության կողմից չներկայացվեցին պատշաճ հիմնավորումներ, որ առկա է ամբաստանյալի հարազատների կյանքին սպառնացող վտանգ:
Դատարանը միաժամանակ հայտնեց, որ երեխայի հետագա խնամքը ստանձնող անձի տվյալներն ունենալու դեպքում կարող է կարգավորել հարցը, հակառակ դեպքում՝ դատարանի ձեռնարկած միջոցների շնորհիվ երեխայի մասին կհոգան բնակության վայրի տարածքի խնամակալության մարմինները:
Դատարանը նաև ընդգծեց, որ համապատասխան հիմնավորումների առկայության դեպքում ամբաստանյալը կարող է հետագայում էլ նույն միջնորդությամբ հանդես գալ:
«Փաստինֆո»
- 15:10ԱՄՆ-ից առաքանու միջոցով թմրամիջոց է ներմուծվել Հայաստան
- 11:10«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավակայանում փորձել են թալանել
- 15:10Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողական իրավունքներից․ փաստաբան
- 15:10Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հայտնաբերվել է 5 օրական երեխա
- 14:10Շտապօգնության տնօրենը պարզաբանում է բուժակի հետ կապված միջադեպը
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով