«Նոյլենդ» հսկայածավալ շինության (որն իր մեջ ընդգրկելու է սինագոգ, մզկիթ եկեղեցի և այլ շինություններ) կառուցման վերաբերյալ ծրագիրը Քաղաքաշինության խորհրդում չի քննարկվել, հակառակ դեպքում մանրամասները կիմանայինք ոչ թե կայքից, այլ խորհրդից»,- այսօր լրագրողների հետ հանդիպման ժամանակ ասաց ՀՀ ճարտարապետների միության նախագահ Մկրտիչ Մինասյանը:
Նա պարզաբանեց , որ այս ծրագիրը որևէ գումար պետբյուջեից չի տանում, պարզապես պետությունը հատկացնում է տեղը և վերահսկում , իսկ որոշ կազմակերպություններ քաղաքապետարանին առաջարկում են ծրագրեր՝ ինվեստորների ներգրավելու և այս կամ այն խնդիրների լուծումներ գտնելու համար:
«Կան տարբեր ծրագրեր, սակայն, ցավոք դրանք հաճախ հում են լինում, և այս նախագիծը նույնպես հում բան է: Քանի որ չի եղել մասնագիտական որևէ քննարկում, ես կարծում եմ, որ չի լինի նաև ֆինանսական ապահովվածություն, քանի որ խոսքը գնում է ոչ թե հարյուր հազար դոլարների մասին , այլ միլիոնավոր»- նման կարծիք հայտնեց բանախոսը:
Իսկ հարցին՝ «Նոյլենդ» կառուցելով կկորցնե՞նք կանաչապատ տարածքներ բանախոսը պատասխանեց, որ այն կզբաղեցնի այգու տարածքի չնչին մասը միայն, մոտապորապես 25 տոկոսը, և մնացած կանաչն ավելի ակտիվ կսկսի աշխատել, սակայն մինչև հիմա որևէ արված նախագիծ չկա: Թե ինչի՞ հիման վրա է քաղաքապետարանը իր պաշտոնական կայքում ներկայացնում ինչ- որ մտահաղացումներ, պարզ չէ:
Մինասյանն ասաց, որ լավ կլիներ աշխարհի կենտրոնների նման, որոնք հնարավորինս փորձում են ստեղծել իրենց տարածքների փոքր մակետներ, մենք էլ Երևանում ունենայինք ՀՀ մակետը իր բոլոր շինություններով:
«Նույն Դալմայի այգիներում ուզում են կառուցել Արտ Սիթի: Այն հիմնականում նկարիչների, քանդակագործների համար է, որ իրենք ունենան իրենց արվեստանոցները, ցուցասրահները, անցկացվեն մաստեր կլասի հանդիպումներ: Սակայն այդ աշխատանքները սկսվելու համար էլ դեռևս հիմքեր չկան»,- նշեց Մինասյանը:
Փակ շուկան ևս խնդիր է.«Չի կարելի առանց նախագծի շինարարություն անել, դա օրենքի խախտում է, համապատասխան մարմինները պետք է արձագանքեն»:
Սակայն Փակ շուկայի օրինակը եզակի չէ, առանց նախագծի հաստատման իրականացվում են տարբեր շինարարական աշխատանքեր, իսկ իրավասու մարմինները չեն արձագանքում և չեն կանգնեցնում շինարարական աշխատանքերը: Բերվում է տարբեր պատճառաբանություններ. «Հիմա անում են. կբերեն, կհաստատեն»:
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը