Vahagn Saroyan .Խորհրդարանական կառավարման համակարգի քննարկումներին դրական արձագանքած ՀՅԴ-ն ու ՀԱԿ-ը այսուհետ կմասնակցեն ԲՀԿ նախաձեռնության «ընդլայնմանը»: Այս քաղաքական զարգացումները մի պահ հիշեցնում են ընդդիմություն-իշխանության քաղաքական երկխոսության հին ու բարի ժամանակները: Պատվրակությունները միմյանց հետ զրուցում էին, ընդհանուր հայտարարի չէին գալիս, երկխոսությունը առկախվում էր, բայց պրոցեսը գնում էր, այլ կերպ ասած «процесс пошел»: Որքան հիշում եմ ԲՀԿ-ն միջնորդի դեր էր ստանձնում իշխանությունների և արմատական ուժերի հետ երկխոսություն ծավալելու հարցում: Այդ մասին նույնիսկ Նաիրա Զոհրաբյանն էր հայտարարել, թե «ԲՀԿ-ն մշտապես կողմ է եղել նույնիսկ ամենաարմատական ընդդիմախոսների միջև երկրի քաղաքական օրակարգում առկա բոլոր խնդիրները քննարկելու և միասնական լուծումներ գտնելու մշակույթին»: Փաստորեն հավատարիմ լինելով այդ կեցվածքին կարող ենք եզրակացնել, որ այսօր էլ ԲՀԿ-ն միջնորդ է հանդիսանում քաղաքական օրակարգում հարց կախելով առկա բոլոր խնդիրներին միասնական լուծում գտնելու մեջ: Ինչ է ստացվում, որ այսօր ունենք քաղաքական երեք ուժերի կոնսոլիդացիա ընդդեմ ՀՀԿ-ի: Իսկ այդ դեպքում բոլորն էլ լավ գիտակցում են, որ «ընդդեմ» գաղափարով շարժվելով ոչ թե խնդիրները լուծում են ստանում, այլ` հակառակը քաղաքական կրքերն են շիկանում: Փաստորեն ստացվում է որ ԲՀԿ-ն կրակը թեժացնում է իսկ շագանակներն էլ կհանի ՀԱԿ-ի ու ՀՅԴ-ի ձեռքերով:

Հ.Գ. Կարծում եմ հասարակ քաղաքացին ակնկալում է, ոչ թե քաղաքական թեժ մրցապայքար քաղաքական դաշտում դիրք որոնելու ու ամրապնդվելու մեջ, այլ ակնկալում է, քաղաքական առողջ զարգացում իր հասարակ կենցաղային խնդիրների համալիր լուծումները տեսնելու մեջ: Չեմ կարծում որ նման պրոցեսները բերելու են քաղաքացիների խնդիրների լուծման: