«Շախտյորի» կիսապաշտպան Հենրիխ Մխիթարյանը ծավալուն հարցազրույց է տվել Украiнський футбол-ին, որտեղ խոսել է «Չելսիի» դեմ կայանալիք խաղի մասին և ոչ միայն:

— Չենք վախենում «Չելսիի» հետ մրացավեճից: Ընդհակառակը՝ վստահ ենք սեփական ուժերի հանդեպ,-ասել է հայ ֆուտբոլիստը:

— Տոմաշ Հյուբշմանը համարում է, որ Անգլիայում ևս «Շախտյորը» կարող է հաղթել: Իրո՞ք այդպիսի վստահություն է առաջացել, որ կարող եք երկու անգամ հաղթել «Չելսիի» պես բարձրակարգ թիմին:

— Խնդիրն այն չէ, որ կկարողանանք, թե ոչ: Ուղղակի գիտենք մեր ուժերը և հավատում ենք ինքներս մեզ: Միաժամանակ իսկապես գիտակցում ենք, որ հնարավորություն կա:

— Ինչպիսի՞ դժվարությունների է բախվելու «Շախտյորը» «Ստեմֆորդ Բրիջում»:

— Կասեմ, որ Դոնեցկում հեշտ չէր, քան, ըստ իս, լինելու է Լոնդոնում: Միստերը մեզ կտա գործողությունների հստակ ծրագիրը, այնպես որ, եթե կատարենք այն, ամեն ինչ լավ կլինի:

— Կարո՞ղ է թիմը փոխվել երկու-երեք շաբաթների ընթացքում:

— Խաղաոճն, իհարկե, նա չի փոխելու…

— Այս ընթացքում հետևե՞լ եք «Չելսիին»:

— Միայն դիտել եմ Անգլիայի առաջնությունում «կապույտների» խաղն ընդդեմ «Մանչեսթեր Յունայթեդի», որտեղ նրանք պարտվեցին 2:3 հաշվով: Մնացյալ հանդիպումներին չեմ հասցրել հետևել, քանի որ ինքներս խաղեր էինք անցկացնում: Այդ նույն մրցավեճում «Չելսին» զիջում էր 0:2 հաշվով, հետո հավասարեցրեց, ցանկացավ հաղթել, բայց երրորդ անգամ գոլ բաց թողեց: Խաղացողներն առաջ գնացին՝ մոռանալով պաշտպանության մասին, ինչի պատճառով էլ պարտվեցին:

— Այն, որ որակազրկման պատճառով բաց էիք թողել Ուկրաինայի առաջնության Զապորեժյեի «Մետալուրգի» հետ խաղը, ձեզ համար ավելի շատ ուժ տնտեսե՞ց լոնդոնյան դիմակայության համար: 

— Դա կպարզվի խաղի ժամանակ: Խոստովանում եմ, որ շատ էի ուզում շաբաթ օրը խաղադաշտ դուրս գալ, բայց ստացվեց այնպես, որ որակազրկում ունեի:

— «Շախտյորի» և «Դինամոյի» նախկին խաղացող Օլեգ Մատվեևը ենթադրություն է արել, որ դուք գոլային ռեկորդ կսահմանեք (22 գնդակ) Ուկրաինայի առաջնությունում: Դու՞ք էլ եք այդ կարծիքին:

— Ինձ համար ռեկորդն ամենագլխավորը չէ: Կարևորն այն է, որ «Շախտյորը» հաղթի առաջնությունում, նվաճի Գավաթը, հետո հասցնի Չեմպիոնների Լիգայում: Եթե, այդուհանդերձ, ռեկորդ լինի, կուրախանամ: Չստացվի, չեմ տխրի, քանի որ գիտեմ, որ դեռ պետք է աշխատել ու աշխատել: Երբեք պետք չէ կանգ առնել ձեռքբերածի վրա: Պետք է միշտ առաջ շարժվել:

— Շատ մասնագետներ ձեզ համարում են երկրորդ Մեսսի: Ի՞նչ կասեք

— Շատ հաճելի է նման գնահատականը, սակայն կարծում եմ, որ խաղաոճերով մենք տարբեր ենք: Մեսսին աշխարհի լավագույն ֆուտբոլիստն է:

— Վերջերս Վլադիմիր Պյատենկոն, ում հետ դուք աշխատել եք Դոնեցկի «Մետալուրգում», ասագ, որ մոտ ապագայում ձեզ տեսնում է թոփ ակումբներից որևէ մեկում: Ֆուտբոլային գործակալները գրոհում են ձեր վրա:

— Գրոհում են թե ոչ, ես դրան ուշադրություն չեմ դարձնում: Պետք է լավ կատարես աշխատանքդ և այդ ժամանակ այն արդյունքին, որին ցանկանում ես: Դոնեցկի «Մետալուրգ» եկա առանց գործակալի, եկա «Շախտյոր»՝ առանց գործակալի, դրա համար էլ պետք է մարզվել ու խաղալ, այլ ոչ թե գործակալի մասին մտածել:

— Այնուամենայնիվ, կա՞ գործակալ:

— Այսօր ես որևէ ֆուտբոլային գործակալ չունեմ:

— Իսկ ո՞վ է ներկայացնում ձեր շահերը:

— Ես ինքս:

— Հավատում եք Վիլիանի ուժերին, ով ասաց, որ փորձելու է «Չելսիի» դարպասը գրավել Լոնդոնում:

— Տա Աստված, որ նա դա անի: Իսկ եթե նաև հաղթենք, ապա ուրախ կլինենք կրկնակի:

— Կօգնե՞ք նրան:

— Իհարկե, եթե խաղի ընթացքում լինեն իրավիճակներ, որոնցում հարկավոր կլինի փոխանցում կատարել: Եվ ոչ միայն Վիլիանին, այլ նաև բոլոր խաղընկերներին եմ պատրաստ օգնել: Չէ՞ որ երբեք ժլատություն չեմ արել, աշխատում եմ թիմի համար, վերջինիս հաջողության համար և մեր ընդանուր հաջողության համար:

— Հենրիխ, նախկինում շատ պահեր չէիր իրացնում, իսկ հիմա այդ գործոնը բարելավել ես:

— Դեռ ամեն ինչ չէ, որ հարթ է, ինչպես ասում եք: Լինում է, որ չեմ խփում հարմար իրավիճակներից: Սակայն դրանից ողբերգություն չեմ սարքում: Շարունակում եմ աշխատել և չեմ թուլանում, թե իբր արդեն 14 դիպուկ հարված ունեմ, իսկ մնացածներն իրենք իրենց կթռչեն (ծիծաղում է):

— «Շախտյորի»՝ «Չելսիի» հետ հանդիպումից առաջ, Դոնեցկում հարցրեցի Միստերին, թե արդյոք հասունացել է թիմը, որպեսզի հաղթի այնպիսի թոփ ակումբի, ինչպիսին լոնդոնյանն է, ինչին նա դրական պատասխանեց:

— Չեմ սիրում խոսել նման թեմաներով: Եթե հաղթենք Լոնդոնում, ապա կհաղթենք, եթե ոչ՝ ապա ոչ: Չեմ կարող պնդել, որ անպայման հաղթելու ենք, քանի որ, Աստված չանի, հետո պարտվե՞նք:

— Անձամբ դուք, Լոնդոնում կայանալիք հանդիպումը համարո՞ւմ եք E խմբի համար առանցքային:

— Ոչ, քանի որ քանի որ դրանից հետո, մեզ մնում է երկու հանդիպում Դանիայի ու Իտալիայի չեմպիոնների դեմ:

armsport.am