Այսօր Զոքանչի միջազգային օրն է: Տոնի առթիվ փեսան սովորաբար շնորհակալություն է հայտնում զոքանչից` դստերը լավ դաստիարակելու համար, նվերներ է գնում նրա համար, ինչպես նաև կատարում նրա բոլոր ցանկությունները:

«Հայկական Վարկած»-ը զրուցեց քաղաքական գործիչնեից մի քանիսի հետ` պարզելու, թե ինչպես են նրանք պատրաստվում շնորհավորել իրենց զոքանչներին, զոքանչների ո՞ր ցանկությունը հաճույքով կկատարեին:

Ժառանգության ներկայացուցիչ Ստյոպա Սաֆարյանը  անակնկալի եկավ. «Չգիտեի, որ այդպիսի օր կա: Ես օրեր առաջ եմ հագուստ նվիրել` իր ծննդյան կապապցությամբ: Լավ կլինի չասեմ, որ տոնն է (ծիծաղում է), բայց չէ, ինչ-որ ձևով կշնորհավորեմ»:

Շիրակ Թորոսյանը ամենայն լրջությամբ հետաքրքրվեց, թե ե՞րբ և ո՞ւմ կողմից է հաստատվել տոնը, ապա եզրակացրեց. «Ոչ, նվեր չեմ գնելու, քանի որ Հայաստանում արմատապես հաստատված չէ: Ես իմ զոքանչին շնորհավորում եմ Մարտի 8-ին, Ապրիլի 7-ին, Ամանորին, բայց այսօր չեմ պատրաստվում շնորհավորել»:

ԱԺ պատգամավորՀրանտ Բագրատյանն օրիգինալ ձևով է շնորհավորել.

«Առավոտ ժամը 6-ին, աշխարհի ամենամեծ ծաղկեփունջն եմ ուղարկել»:

«Նոր Ժամանակներ» կուսակցության նախագահ Արամ Կարապետյանը լավ հարաբերությունների մեջ է զոքանչի հետ. «Հեչ հայկականին նման չի, սակայն, ցավոք սրտի, այստեղ չի զոքանչս, Ռուսաստանում է. սկայպով գրելէի, ասեց էդ ինչ լավ ժողովուրդ ենք հայերս, որ տենց տոնենք նշում»:

Խոսրով Հարությունյանի զոքանչն իր ասելով.«Վաղուց հանգուցյալ է,  ճիշտն ասաց, ես շատ ցավում եմ, ինքը շատ լավ կին էր: Այդ հարցով կարող եք դիմել փեսայիս, որ ինքը շնորհավորի իր զոքանչին»:

Մեր հացումների արդյունքում պարզվեց, որ շատերը չեն նշի տոնը, քանի որ նրանց զոքանչները մահացել են.նրանց թվում են.Վարդան Բոստանջյանն ու Արմեն Մարտիրոսյանը:

Արտաշես Գեղամյանի կուսակից Արա Սիմոնյանն այնքան հուզվեց զոքանչի անունը լսելիս, որ զավեշտալի հնչեց պատասխանը. «Ես ճիշտ ասած չգիտեմ, մի բան կանեմ»:

Այն հարցին, թե ինչ  հարաբերությունների մեջ է իր զոքանչի հետ, Սիմոնյանն ասաց. «Ոչ մի կերպ, քանի որ նա մահացել է»:

Իսկ Դեմոկրատական կուսակցության նախագահ  Արամ Սարգսյանն ինչպես միշտ առանց  խորհրդակցելու ոչինչ չի անում, սակայն այս անգամ ոչ թե Արա Աբրահամյանի, այլ հավանաբար կնոջ հետ:  «Ցավոք չգիտեի, խորհրդակցեմ, երևի ծաղիկներ կգնեմ: Հարաբերությունները բացարձակ լավագույնն են, երկուսիս պահվածքի շնորհիվ, այսինքն՝ փեսայի և զոքանչի»: