Զարմանալի է մեր պետական չինովնիկների արձագանքը հնչող հարցերին.նրանք կամ հայհոյում են, կամ սպառնում, կամ էլ հոխորտում, երևի մտածելով, որ պաշտոններն իրենց ժառանգաբար են տրվել ու ոտնձգությունը դրանց նկատմամբ ընդունում են որպես անձնական վիրավորանք:

«Հայկական Վարկած»-ն իր աղբյուրներից  տեղեկություն էր ստացել, որ մի քանի մարզերում  սպասվում են մարզպետների փոփոխություններ:

Լուրը պարզաբանելու խնդրանքով` դիմեցինք Արարատի մարզպետ Էդիկ Բարսեղյանին. նրա արձագանքը հարցին ներկայացնում ենք առանց խմբագրման.

Պրն Բարսեղյան, ճի՞շտ է, որ մի շարք մարզպետներ պաշտոնանկ են լինելու, որոնց թվում եք նաև դուք.

-Ոչ, ո՞վ է էդպիսի բան ասում, էդ ինչ անտրամաբանական հարցեր եք տալիս: Ես էդպիսի բան միայն ձեզանից եմ լսում:

— Փաստորեն լուրերը չե՞ն համապատասխանում իրականությանը.

-Եթե որևէ մարզպետի են հեռացնում, դա ձեզ ինչի ա տաքացնում: Ես կարող էի ձեզ կոպիտ պատասխանել, ջահել աղջիկ ես, չեմ ուզում: Ես տենց բան չեմ լսել, էդ ի՞նչ հարց ա, որ տալիս եք:

Ա.Սարգսյան