Համաշխարհային պատմական ժառանգության քաղաքների կազմակերպության և անդամակից Երևանի համագործակցության սերտացման հեռանկարներն են քննարկվել Երևանի քաղաքապետ Տարոն Մարգարյանի և կազմակերպության նախագահ, Նիդերլանդների Բիմսթեր քաղաքի քաղաքապետ Հարրի Բրինքմանի հանդիպման ընթացքում, որին մասնակցել են նաև հոկտեմբերի 7-8-ին Էջմիածնում անցկացված Տնօրենների խորհրդի նիստի պատվիրակներ:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ, շնորհակալություն հայտնելով այցելության համար, Տարոն Մարգարյանը կարևորել է Երևանի անդամակցությունը Համաշխարհային պատմական ժառանգության քաղաքների կազմակերպությանը և նկատել, որ պատմամշակութային արժեքների պահպանություն գործում ցանկալի արդյունավետության համար անհրաժեշտ է ակտիվացնել գործակցությունը:
«2006 թվականից, «Համաշխարհային պատմական ժառանգության քաղաքների կազմակերպությանը» անդամակցելուց ի վեր մեր համագործակցությունը կարծում եմ բավարար չէ: Երևանի քաղաքապետարանը կարևորում է «Համաշխարհային պատմական ժառանգության քաղաքներ» կազմակերպության դերն ու նպատակները և կարծում եմ պետք է սերտացնենք համագործակցությունը՝ լրացնելով բացթողածը: Մի քանի օրից նշելու ենք Էրեբունի-Երևանի 2794-ամյակը: Երևանը պատմամշակութային հարուստ ժառանգությամբ քաղաք է, որտեղ մեր խնդիրը հին, պատմամշակութային տարածքները պահպանելով՝ նոր մոտեցումներով քաղաք կառուցելն է»,- նշել է Երևանի քաղաքապետը:
Տարոն Մարգարյանին ներկայացնելով կազմակերպության հաջողված ծրագրերը՝ հյուրերը նկատել են, որ Համաշխարհային պատմական ժառանգության քաղաքների կազմակերպության հետ համագործակցությունը Երևանին միջազգային ճանաչման հավելյալ հնարավորություն կընձեռի և պատմամշակութային արժեքների պահպանման հարցեր ներկայացնելու լայն հարթակ կդառնա: Համաշխարհային պատմական ժառանգության քաղաքների կազմակերպության նախագահը Երևանի քաղաքապետին հրավիրել է մասնակցելու կազմակերպության խորհրդի՝ 2013 թվականի նոյեմբերին Մեխիկոյում կայանալիք նիստին:
Համաշխարհային պատմական ժառանգության քաղաքների կազմակերպությանը հիմքում ՅՈՒՆԵՍԿՕ-ի համաժողովի` համաշխարհային մշակութային և բնական ժառանգության պահպանման հռչակագիրն է: Կազմակերպությանն անդամակցում են 238 քաղաքներ, որտեղ գտնվում են այնպիսի վայրեր, որոնք ներառված են UNESCO-ի Համաշխարհային ժառանգության ցանկում։
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը