Հայկական իրականության մեջ տեղի է ունենում հերթական յուղալի ատկատով գործարքը և սա այն դեպքում, երբ ընդամենը օրեր առաջ ՀՀ նախագահը կառավարության աշխատանքը գնահատեց մեկ բառով՝ փնթի. արդյո՞ք սա հերթական փնթիությունը չէ, որ դրսևորվում է հայ ժողովրդի նկատմամբ:

Ի՞նչ է ստացվում. այսօր ՀՀ կառավարությունը որոշում ընդունեց Երևան քաղաքի Կառավարական թիվ 2 մասնաշենք  (ներկայիս ԱԳՆ-ն) հասցեում գտնվող 14,241.9 քառ. մետր մակերեսով շենք, շինությունները և դրանց սպասարկման և օգտագործման համար հատկացված հողամասի պետական բաժնեմասն ուղղակի վաճառքի ձևով օտարել «Տանգո» փակ բաժնետիրական ընկերությանը (գրանցման համարը` 286.120.06170, ՀՎՀՀ՝ 02583087, գտնվելու վայրը՝ քաղ. Երևան, «Զվարթնոց» միջազգային օդանավակայան):

Գնորդը պարտավորվել է նաև գույքի հանձնում-ընդունումից հետո անհրաժեշտ ծավալի ներդրումների իրականացմամբ վերակառուցումից հետո գույքն օգտագործել բացառապես որպես հինգաստղանի հյուրանոցային համալիր` միջազգային ճանաչում ունեցող հյուրանոցային ցանցի բրենդով` պահպանելով գույքի պատմամշակութային և արտաքին տեսքը:

Թերևս զարմանալի էլ չէ. սա հեթական գավառական բեմականացման օրինակ է: Ի՞նչ սպասես մի երկրում, որտեղ ՀՀ նախագահը`  ի լուր իր քաղաքացիների ու աշխարհի ,միլիոնների հասնող յուրացումների մասին խոսում է տնավարի՝ նախարարներին դիմելով անուններով:

Ավելին՝ դրան հաջորդում է ՀՀ կառավարությանն առընթեր պետական գույքի կառավարման վարչության պետ Արման Սահակյանի պարզաբանումը  ըստ, որի գույքի վաճառքի գինը, հողի կադաստրային արժեքը և գույքի արժեքը կազմում է 51 մլն 271 հազ ԱՄՆ դոլարին համարժեք ՀՀ դրամ:

Արդյո՞ք սա մեր երկրի արժեքների՝ նկատմամբ արհամարանքը չէ, արժեք՝ որ վարչապետը իր թեթև ձեռքով դնում է օտարեկրացիների գրպանը: Իսկ ՀՀ նախագահի նշած ատկատը ամենևին էլ վերջին տեղում չէ այս գործարքում:

Գնորդը պարտավորվում է մինչև 2015 թ սեպտեմբերի 1-ը պետությանը հանձնել Հայաստանի Հանրապետության կառավարության 2012 թվականի հուլիսի 19-ի N916-Ա որոշմամբ օտարվող գույքի սեփականատեր և գնորդի դուստր հանդիսացող` «Սալսա Դիվելոփմենթ»  փակ բաժնետիրական ընկերության 100 տոկոս բաժնետոմսերը` անվանական արժեքով, որի հաշվեկշռում կլինի ք.Երևան Վ. Սարգսյան 3 հասցեում գտնվող 0.5081 հա հողամասը, վրան կառուցված շենքն ավարտված վիճակում։ Սա արդեն առանձին խոսակցության թեմա է, որին դեռ կանդրադառնանք:

Մեր ունեցած տեղեկություններով ԱԳՆ շենքի համար առաջարկվել է շատ ավելի խոշոր գումար՝ կրկնակի,մոտ 100 մլն, որից փաստորեն մեր աչքները կուշտ  շիշկեքը հրաժարվել են:  Այս դեպքում էլ ավելի խոշոր ակտատի ակնկալիքը բավականին ռեալ է դառնում: Ու այս պարագայում Վարչապետի գործունեության( արդարացի չի լինի ասել ինքնագործունեության) մասին կարելի է ասել. «мои финансы поют романси» օ  атката:

Արդյո՞ք այսքանից հետո, չի ստացվում, որ ավելի կրուպնի ատկատները ավելի վերևներում են ֆրֆռում, որից բոլորին էլ հանգիստ կարող է փայ հասնել: Թե չէ, դրել ու լոլո եք կարդում…

Հ.  Գ. Ի դեպ, շրջանառվող լուրերի համաձայն, ԱԳՆ-ի շենքի գնորդը ամերիկահայ Էդուրադո Էռնեկյանն է: Էստեղ են ասել՝ էրնեկ իրական տիրոջը:

Անի Սուլթանյան

Թեմայի շարունակությունը  կարդացեք քիչ անց, որտեղ կներկայացնենք նաև քաղաքական գործիչների տեսակետները: