«Հայկական Վարկած»-ի տեղեկություններով, Սյունիքի մարզում նախընտրական կրքերը, բառիս բուն իմաստով, եռում են: Հերիք չէ, որ Սուրեն Խաչատրյանը՝ Լիսկան,  իր մոտ էր կանչել մարզի գործարարներին ու ասել, որ  իր համայնքային թեկնածուներին չօգնելու դեպքում կնեղացնի նրանց երակները, հիմա էլ Խաչատրյանն անցել է կրթական ոլորտը  բուժական մակարդակով  «նեղացնելու» գործին:  Հաշված ժամեր առաջ, Սյունիքի սարսափազդու մարզպետ Սուրեն Խաչատրյանը նախընտրական արշավին պասիվ մասնակցություն  ցուցաբերելու համար աշխատանքից ազատել է մարզպետարանի  Հանրակրթության վարչության պետին, ասելով, որ նրա տեղը դպրոցում է ՝որպես տնօրեն: Իսկ ահա, մարզպետարանի որոշ վարչության պետերին Լիսկան «հաթաթա» է տվել, որ «ջուխտ-ջուխտ» չաշխատելու դեպքում նրանք էլ կգնան արդեն պաշտոնաթող եղած վարչության պետի ճանապարհով: Իսկը՝Սյունյաց ֆեոդալ, որին իշխանությունները  «դեռևս փայփայում» են ու  նոր շնչառություն բացում «արքայից-արքայի» համար:

Անի Սուլթանյան