Ուրաինայի  նախագահ Վիկտոր Յանուկովիչը ստորագրել է №5029-VI` «Պետական լեզվամտածողության  քաղաքականության հիմունքների» մասին օրենքը: Հայտնում է Analitika.at.ua-ն` վկայակոչելով նախագահի մամլո ծառայությանը:

Նշենք, որ Գերագույն ռադան լեզվի մասին օրենքն ընդունել էր հուլիսի 3-ին, ինչը բողոքի ալիք էր բարձրացրել երկրում: Շատերը դեմ են, որ երկրի տարածքում տարածաշրջանային կարգավիճակ տրվի ռուսերենին: Այս օրենքի ընդունման կապակցությամբ հրաժարական էր տվել Ռադայի խոսնակ Վլադիմիր Լիտվինը: Սակայն Ռադան հրաժարվել էր քննարկման դնել նրա հրաժարականի հարցը:

Երկրի ղեկավարը Նախարարների գրասենյակին հանձնարարել է նաև ստեղծել հանրային անձանցից` արվեստի, գիտության և կրթության նշանավոր գործիչներից, լեզվագիտական հարցերով զբաղվաղ առաջատար մասնակգետներից  կազմված  աշխատանքային խումբ, որը պետք է զբաղվի Ուկրաինայում կիրառվող լեզվական օրեսդրության համեմատական կանոնադրության մշակման   և զարգացման հարցերով:

Նախագծի  6-րդ հոդվածի առաջին հատվածով հաստատվում է, որ Ուկրաինայի պետական լեզուն ուկրաիներենն է: Այնուհանդերձ, Ուկրաինայի տարածքում  երաշխավորվում են տարածաշրջանային լեզուների ազատ օգտագործումը, որոնց թվում է ռուսերենը, բելարուսերենը, բուլղարերենը, հայերենը, գագաուզերենը, իդիշը, ղրիմաթաթարերենը, մոլդավերենը, գերմաներենը, հունարենը, լեհերենը, ռումիներենը, սլովակերենն ու հուգարերենը, կարաիմերենը, ղրիմերենը: Այս օրենքը տարածվում է այն լեզուների վրա, որոնք հարազատ են համարվում տեղական բնակչության ավելի քան 10 տոկոս քաղաքացիների համար: