Քեթի Հոլմսի և Թոմ Կրուզի ամուսնալուծությունից հետո Քեթիի բիզնեսը սկսեց  ծաղկել:  Նրա Holmes & Yang  ապրանքանիշը գնորդների շրջանում շատ մեծ պահանջարկ ունի: Այս մասին  տեղեկացնում է  High Life-ը:

Բացի այդ, շուտով հանդիսատեսի դատին կհանձնվի նրա մասնակցությամբ  մի նոր ֆիլմ: Այս աշնանը  Քեթին հանդես կգա մյուզիքլում:  Դերասանուհու  և դիզայների այսպիսի  մեծ հաջողությունը համընկավ ամուսնալուծության շրջանի հետ, որն էլ բամբասանքների առիթ հանդիսացավ:  Ըստ որոշ լուրերի` Քեթին ամուսնալուծությունը այնպես էր կազմակերպել, որ այն համընկնի իր կարիերայի ակտիվ շրջանի հետ, դրանով  ապահովելով իր համար առավելագույն  գովազդ: Քեթիի լուսանկարների շարքից,  որը  կատարվել էր ամուսնալուծությունից  մի քանի օր առաջ, երևում է , որ Քեթին շատ  հանգիստ է: Նման հանգստություն  կարող է ունենալ  միայն այն կինը,  որը վստահ է և հանգիստ  իր ապագայի համար:

Մինչ Քեթի Հոլմսը խորապես տարված է իր  աշխատանքով, իր նախկին ամուսին`Թոմ Կրուզը մի ընդարձակ տուն է փնտրում Նյու Յորքի արվարձաններում, որպեսզի կարողանա  ավելի շատ ժամանակ  անցկացնել իր դստեր Սուրիի  հետ: Թոմ Կրուզը մինչև  օրս էլ անուղղակիորեն օգնում է նախկին կնոջը իր բիզնեսում և  հասարակության մեջ է հայտնվում  Holmes & Yang  ապրանքանիշը կրող հագուստով: Ի դեպ, ամուսնալուծությունը վատ չի անդրադարձել նաև Թոմ Կրուզի վրա. նա արդեն հասցրել է նոր ընկերուհի գտնել: Այդ դերը ստանձնում է   27-ամյա դերասանուհի Իոլանդա  Պեկորարոն, որի հետ Կրուզը մտերիմ էր շատ վաղուց, վերջինս, նույնիսկ վճարում էր Իոլանդայի ուսման վարձը: