Հայաստանի Հանրապետության նախագահի հրամանագրով հունիսի 30-ին Լիլիթ Թադևոսյանը նշանակվել է Վերաքննիչ քրեական դատարանի դատավոր: Այս մասին տեղեկացնում են Վճռաբեկ դատարանից:

Ավելացնենք, որ Լիլիթ Թադևոսյանը, դատախազ` ծնունդով ապարանցի Զելիմ Թադևոսյանի դուստրն է: Նա Գագիկ Ջհանգիրյանի գործով՝ մեղադրողներից մեկն էր, իսկ հայր Թադևոսյանին վստահվել է, մի շարք աղմկահարույց գործեր՝ մասնավորապես Վազգեն Սարգսյանի եղբոր՝ Արմեն Սարգսյանի դատապարտման գործը:

Ստորև ներկայացնում ենք Լիլիթ Զելիմի Թադևոսյանի կենսագրությունը.

Ծնվել է 1978 թվականին Երևան քաղաքում:

1993թ. ոսկե մեդալով ավարտել է Երևանի թիվ 182 ռուսական միջնակարգ դպրոցը և նույն թվականին ընդունվել ու 1998թ. գերազանցության դիպլոմով ավարտել է Երևանի պետական համալսարանի իրավաբանական ֆակուլտերը:

1998 թվականին ընդունվել և 2001թ. ավարտել է ԵՊՀ-ի ասպիրանտուրան:

2001թ. ԵՊՀ գիտական խորհրդում պաշտպանել է թեկնածուական ատենախոսություն և նրան շնորհվել է իրավաբանական գիտությունների թեկնածուի գիտական աստիճան:

1998թ. մինչև 2012թ. հունիս ամիսը աշխատել է ՀՀ դատախազության համակարգում.

1998թ. դեկտեմբերից մինչև 1999թ. հունվար ամիսը` Երևան քաղաքի Էրեբունի վարչական շրջանի դատախազության ստաժոր-քննիչ,

1999թ. հունվարից մինչև 2001թ. ապրիլ ամիսը` Երևան քաղաքի Էրեբունի և Նուբարաշեն համայնքների դատախազության քննիչ,

2001թ. ապրիլից մինչև 2004թ. նոյեմբեր ամիսը` նույն դատախազության ավագ քննիչ,

2004թ. նոյեմբերից մինչև 2006թ. մայիս ամիսը` նույն համայնքների դատախազի օգնական,

2006թ. մայիսից մինչև 2007թ. նոյեմբեր` ՀՀ գլխավոր դատախազության դատարաններում քրեական գործերով մեղադրանքի պաշտպանության վարչության դատախազ,

2007թ. նոյեմբերից մինչև 2011թ. հոկտեմբեր` ՀՀ գլխավոր դատախազության կոռուպցիոն և կազմակերպված հանցագործությունների գործերով վարչության դատախազ,

2011թ. հոկտեմբերից մինչև 30.06.2012թ.` նույն վարչության ավագ դատախազ:

Հանդիսացել է ՀՀ գլխավոր դատախազության գիտա-մեթոդական խորհրդի անդամ:

09.2000թ. մինչև 09.2011թ. համատեղության կարգով, որպես դասախոս, աշխատել է Երևանի պետական համալսարանի իրավաբանական ֆակուլտետում, իսկ 2010թ. մինչ օրս` Հայ-ռուսական (Սլավոնական) համալսարանի իրավաբանական ֆակուլտետում: Դասավանդել է նաև «Դատախազության դպրոց» ՊՈԱԿ-ում:

2006թ. մինչև 2010թ. հանդիսացել է ՌԴ ՆԳՆ Մոսկվայի պետական համալսարանի դոկտորանտ:

2010թ. նույն համալսարանի գիտական խորհրդում պաշտպանել է դոկտորական ատենախոսություն և Ռուսաստանի Դաշնության Բարձրագույն որակավորման հանձնաժողովի կողմից նրան շնորհվել է իրավաբանական գիտությունների դոկտորի գիտական աստիճան:

2003թ. անցել է վերապատրաստման դասընթացներ Սանկտ-Պետերբուրգի պետական համալսարանի կազմակերպված հանցավորության և կոռուպցիայի հետազոտման կենտրոնում, իսկ

2005թ.` նույն համալսարանի քրեական իրավունքի և

կրիմինալոգիայի երիտասարդ դասախոսների Պետերբուրգյան Դպրոցում ու ստացել համապատասխան հավաստագրեր:

Հայ-ռուսական (Սլավոնական) համալսարանում գործող ՀՀ Բարձրագույն որակավորման հանձնաժողովի մասնագիտական խորհրդի անդամ է, նույն համալսարանի իրավունքի և քաղաքականության ինստիտուտի գիտական խորհրդի անդամ:

Հեղինակ է շուրջ 60 գիտական աշխատությունների` հրապարակված Հայաստանի Հանրապետությունում և Ռուսաստանի Դաշնությունում, այդ թվում` 5 մենագրության:

2012 թվականի հունիսի 30-ին ՀՀ նախագահի հրամանագրով նշանակվել է ՀՀ վերաքննիչ քրեական դատարանի դատավոր: