Մայր աթոռ սուրբ Էջմիածնում, այսօր` հուլիսի 16-ին, Գարեգին Բ կաթողիկոսն ընդունել է Վատիկանի Արևելյան եկեղեցիների ժողովի նախագահ կարդինալ Լեոնարդո Սանդրիին` ուղեկցությամբ Հայաստանում և Վրաստանում պապական նվիրակ Մարեկ արքեպիսկոպոս Սոլչինսկիի և Հայաստանում, Վրաստանում ու Արևելյան Եվրոպայում Հայ Կաթողիկե Եկեղեցու առաջնորդ Ռաֆայել արքեպիսկոպոս Մինասյանի:
Հանդիպմանը Գարեգին Բ-ն ողջունել է կարդինալի այցը Հայաստան և Մայր Աթոռ Սուրբ Էջմիածին` արձանագրելով, որ Հայ առաքելական և Հռոմի կաթոլիկ եկեղեցիների պատմականորեն նվիրագործված հարաբերություններն աչքի են ընկնում առանձնակի ջերմությամբ:
Կաթողիկոսն ընդգծել է Մայր Աթոռի և Վատիկանի միջև կրթական և սոցիալական ոլորտներում առկա արդյունավետ համագործակցության կարևորությունը: Նա վերհիշել է իր հանդիպումները Հովհաննես Պողոս Բ երջանկահիշատակ պապի և Հռոմի Բենեդիկտոս ԺԶ քահանայապետի հետ: Ապա, անդրադառնալով նաև կարդինալ Սանդրիի հետ ունեցած հանդիպումներին, Գարեգին Բ-ն բարձր է գնահատել վերջինիս առանձնահատուկ վերաբերմունքը հայ ժողովրդի և Հայոց Եկեղեցու հանդեպ:
Խոսելով քույր Եկեղեցիների հետ հարաբերությունների և համագործակցության մասին` Վեհափառ Հայրապետը մասնավորապես ընդգծել է, որ Քրիստոսի Եկեղեցին պետք է սիրո միության մեջ լինի` պատմական զարգացումների արդյունքում ձևավորված արժեքային համակարգերի լիարժեք, անխաթար պահպանությամբ, ինչը կնպաստի քրիստոնեական առաքելության հաջող իրագործմանը:
Հանդիպման առիթով Գարեգին Բ-ն կարդինալ Սանդրիի միջոցով եղբայրական իր սերն ու ողջույններն է փոխանցել Հռոմի Սրբազան Քահանայապետին:
Իր հերթին, կարդինալ Սանդրին ևս ուրախություն է հայտնել հանդիպման առիթով և անդրադարձել Հայ Եկեղեցու հետ Հռոմի Կաթոլիկ Եկեղեցու եղբայրական հարաբերություններին` հույս հայտնելով, որ դրանք ավելի կսերտանան ու կզորանան: Վատիկանի Արևելյան Եկեղեցիների Ժողովի նախագահը Գարեգին Բ-ին է փոխանցել նաև Բենեդիկտոս ԺԶ պապի ջերմ ողջույնները:
Հանդիպումից հետո Գարեգին Բ-ն և կարդինալ Լեոնարդո Սանդրին այցելել են Մայր Տաճար, աղոթք բարձրացրել Իջման Ս. Սեղանի առջև:
- 15:10Ահաբեկչության մասին սուտ տեղեկություններ տարածողները պետք է բացահայտվեն ու հանրայնացվեն.ԱԱԾ պահեստազորի սպաների միություն
- 14:10Բերձորից, Աղավնոյից և Ներքին Սուսից տարհանվող բնակչության 25-30 տոկոսն է ցանկություն հայտնել վերաբնակվել Արցախում. Շատերն ուզում են տեղափոխվել Հայաստան
- 12:10Պայթյունի ժամանակ քարերը միանգամից լցվեցին ներս. մի աշխատողը վիրավորում է ստացել ոտքից. պատմում է ականատեսը
- 12:10Աչքերն ու բերանը փակել են և տարել Ծաթեր գյուղ, պահել հյուրատանը. Խաչատուր Քոքոբելյանի հոր առևանգման գործով կալանավորվել է 2 անձ, նրանց ինքնությունը հայտնի է
- 11:10Փրկարարները փլատակների տակից դուրս են բերել նաև մեկ մանկահասակ երեխայի և հղի կնոջ դի. ԱԻ նախարար
- 15:10Արցախն առհասարակ վերանալու է, եթե հանկարծ հայտնվեց Ադրբեջանի կազմում, սա շատ պարզ ճշմարտություն է. Դավիթ Բաբայան
- 14:10Երիտասարդն Աղավնոյում հրդեհել է հայրական տունը. թուրքն այնտեղ չի բնակվի
- 13:10Սառցասարի ուղղությամբ ադրբեջանցիներն առաջխաղացում են ունեցել, բայց մեր վերահսկողության տակ գտնվող հատվածից որևէ միլիմետր չի զիջվել
- 12:10Տեսչական մարմինը 2021–ին «Սուրմալու»–ում խախտումներ է արձանագրել ու դրանք վերացնելու ցուցում տվել տնօրինությանը.պարզաբանում
- 11:006 զոհ, 16 անհետ կորած. ԱԻՆ-ը նոր տվյալներ ու անուններ է հրապարակել