Թոմ Կրուզ և Քեթի Հոլմս աստղային զույգը որոշել է ամուսնալուծվել:  Համատեղ ապրելով 5 տարի և դաստիարակելով 6-ամյա դստերը, նրանք միշտ օրինակելի զույգ  են համարվել, այդ է պատճառը, որ նրանց ամուսնալուծությունը մեծ զարմանք է առաջացրել:

Հոլիվուդյան աստղ Ջոնի Դեպպ և ֆրանսիացի երգչուհի Վանեսա Պարադի զույգի ամուսնությունը պաշտոնապես հաստատված չէր, նրանք միասին էին 1998 թվականից, այդ ընթացքում նրանք ունեցել են 2 երեխա: Միմյանցից հեռանալուց հետո Ջոնի Դեպպը, որոշել է` որպես փոխհատուցում, նախկին ընկերուհուն վճարել 100 մլն ֆունտ ստերլինգ (157մլն դոլար):

Բիզնեսմեն, քաղաքական գործիչ, դերասան Արնոլդ Շվարցենեգերին և ամերիկյան լրագրող Մարիա Շրայվերին մեծ ցանկության դեպքում անգամ չհաջողվեց փրկել իրենց ամուսնությունը, Մարիան չներեց և ապահարզան պահանջեց հանրահայտ ամուսնուց քանի որ Շվարցենեգերը սիրային կապերի մեջ էր մտել սպասուհու հետ, ինչի արդյունքում որդի էր ունեցել:

Ռուս սուպերմոդել Նատալիա Վոդյանովայի և  բրիտանական արիստոկրատ Ջասթին Փորթմանի ամուսնությանը շատերն էին հետևում, և երկու տարի առաջ դժվար էր հավատալ, որ զույգը մտադրված է ամուսնալուծվել: 2011 թ. հունիսին  Վոդյանովան հայտարարեց, որ իրենք այլևս միասին չեն ապրում:

Հոլիվուդյան հայտնի դերասաններ Դեմի Մուր և  Էշթոն Քաթչեր աստղային զույգը նույնպես այս ցուցակում է: Չնայած Դեմին մեծ է ամուսնուց 15 տարով, բայց նրանց սիրուն հավատում էին շատերը:  Կային նաև կարծիքներ, որ իրենց ամուսնությունը ի սկզբանե խափանված է, հենց տարիքային տարբերության պատճառով: Զույգն ապրեց միասին 6 տարի: Նրանք հեռացան իրարից 2011 թվականին:

2008 թվականի սկզբին լուր տարածվեց այն մասին, որ ամերիկյան երգչուհի Մադոննան և ռեժիսոր Գայ Ռիչին  մտադրվել են  ամուսնալուծվել: Մադոննան ասաց, որ իրենց հարաբերությունները հասել էին տրամաբանական  ավարտին:  Նրանք ամուսնացած էին յոթ տարի:

Դերասանուհի Քեյթ Ուինսլեթի   և ռեժիսոր Սեմ Մենդեսի ամուր միությանը ոչ ոք չէր կասկածում: Ըստ որոշ լուրերի Քեյթին չհաջողվեց «սանձահարել» Մենդեսին: Քեյթը պարզապես հոգնել էր   ամբողջ պատասխանատվությունը կրել իր վրա: 2003 թվականի մայիսին նրանք ամուսնացան: Ամուսնության արարողությունը տեղի ունեցավ Կարիբյան փակ կղզու վրա. Իսկ արդեն 2010 թ — ին հայտարարեցին ամուսնալուծության մասին:

Աշխարհը ցնցված է  ամերիկյան երգչուհի Ջենիֆեր Լոպեսի ու  երգիչ Մարկ Էնտոնիի ամուսնալուծության լուրից: Այս զույգն  ապրել է միասին յոթ տարի: Մարկն ու Ջենիֆերն ունեն  երկվորյակներ` որդի և դուստր:  Իրենց բաժանման մասին նրանք ասել են, որ որոշումը կայացրել են համատեղ ու սիրով: