Բրիտանական Telegraph-ն անդրադարձել է աշխարհի ամենաարագավազ մարդը համարվող՝ քառակի օլիմպիական և աշխարհի ութակի չեմպիոն, վազորդ Մայքլ Ջոնսոնին՝ նրա նվաճումներին, ռեկորդներին և հայուհի կնոջը:Ինքը՝ Ջոնսոնը, իր մասին ասում է. «Հպարտ եմ, որ ինձ հիշում են որպես մի մարդու, որը փոխել է սպորտը՝ հնարավորի-անհնարի առումով»:

Հարցազրույցի զգալի մասում մարզիկը խոսել է իր երկրորդ կնոջ՝ հայուհի Արմինե Շամիրյանի մասին: Նա խոհարարուհի է, իսկ Ջոնսոնի հետ ծանոթացել է պատահաբար Լոս Անջելեսի ընդհանուր ընկերների միջոցով, 9-ը տարի առաջ:

Այնուհետև թղթակիցն ինքն է ներկայացնում չեմպիոնի կնոջը՝ «փոքրամարմին, սևահեր հայուհուն, որը խոհանոցում հունական աղցան է պատրաստում ճաշի համար»:

Արմինեն իր հերթին պատմել է, որ ամուսինը սևեռված է «վերահսկման» վրա և իրեն ստիպում է ամեն օր մարզասրահ հաճախել, ինչն ինքը չի սիրում: Սակայն, ըստ Արմինեի, վերջերս 45-ամյա Ջոնսոնը հասկացել է, որ կյանքում ամեն ինչ չի կարող անթերի լինել:

Վերջում Telegraph-ն արձանագրում է, որ Ջոնսոն-Շամիրյանի հարկի տակ չկան «սովորական ընտանեկան իրեր», տանը գերիշխող դիրք է զբաղեցնում գինիների բարը, իսկ ավտոտնակում՝ Mercedes SLS AMG-ն ու Ferrari-ն:

Մինչ օրս հայուհի-սևամորթ կապի ամենահայտնի «ջատագովը» Քիմ Քարդաշյանն էր, որը հայտնի է իր կյանքի՝ հիմնականում սևամորթ տղամարդկանցով: Հայտնի է նաև, որ Կովկասից է հոլիվուդյան աստղ, առաջին սևամորթ օսկարակիր դերասանուհի Հոլի Բերիի մայրը: