Ազգային անվտանգության ծառայությունը ձերբակալել է քրեակատարողական հիմնարկների վարչության նախկին պետ Սամվել Հովհաննիսյանին: Ս.Հովհաննիսյանը կասկածվում է մի խումբ անձանց կողմից շահադիտական դրդումներով և պատվերով սպանություն նախապատրաստելու մեջ:

Վերջինս խառն է մի շարք մութ պատմությունների մեջ.

Դեռևս 2007-ին  Մամիկոնյանց 51/2 հասցեում նորակառույցի կառուցապատողի՝ «Սամոշ» ՍՊԸ-ի ղեկավար՝ ՔԿՀ վարչության նախկին պետ Սամվել Հովհհաննիսյանի որդին այն ժամանակվա քաղաքապետ Երվանդ Զախարյանի փեսան էր:

Գուցև այդ հանգամանքից օգտվելով Հովհաննիսյանը նախնական պայմանագրերով վաճառելով գրեթե բոլոր բնակարանները և 68 քաղաքացուց ստանալով 1,5 միլիարդ դրամ, և 1,3 միլիոն դոլար ստացավ Զարգացման հայկական բանկից  և <գցեց> նրանց.

Փոշիացած գումարները նախապատմությունն  ունեն.Կառուցապատողը` Սամվել Հովհաննիսյանը, շենքի շինարարությունը սկսելու ժամանակ դեռևս Զախարյանի խնամին էր: Կառուցապատման ոլորտում բիզնես դրած Հովհաննիսյանը ձախողվեց,  քանի որ որդու և Զախարյանի աղջկա ամուսնությունը չստացվեց:  Մինչ շենքի կառուցապատումը կավարտվեր, նրանք  բաժանվեցին: Կարելի է եզրակացնել, որ Հովհաննիսյանը չի կարողացել շենքն ավարտին հասցնել,  քանի որ զրկվել է «տանիքից»: Սակայն, երբ Հովհաննիսյանը շարունակում էր պայմանագրեր կնքել գնորդների  հետ և նրանցից գումարներ վերցնել` պարտավորվելով շենքը շահագործման հանձնել 2010 թվականին, շենքն արդեն կալանքի տակ էր, և դրա շուրջ դատական գործընթացներ էին տեղի ունենում:

Այս պատմությունը բավականին երկար տևեց.

Այն ժամանակ մամուլը գրեց, որ Հովհաննիսյանին աշխատանքից ազատել են ՔԿՀ ոլորտում հսկայական չարաշահումներ բացահայտելու հետևանքով, սակայն կար ևս մեկ հանգամանք. 2007-ին Նուբարաշեն ՔԿՀ-ի հիմնարկի բուժմասի լոգարանում կախվելու միջոցով ինքնասպանություն էր գործել Նիկոլայ Ս.-ն: Վերջինս ՀՀ գլխավոր դատախազությունում քննվող քրեական գործերից մեկում ներգրավված ամբաստանյալներից է եղել: Մինչ ինքնասպանությունը Նիկոլայ Ս.-ն սկսել էր ցուցմունքներ տալ` այդպիսով դառնալով շատ կարևոր ամբաստանյալ-վկա: Նրա ցուցմունքներում եղել են մի շարք բարձրաստիճան պաշտոնյաների անուններ, որոնց կողմից կատարված չարաշահումների արդյունքում պետությանը հասցվել է մոտ հինգ միլիարդ դրամի վնաս: Այդ ինքնասպանության համար ժամանակին ԱԱԾ-ն պատասխանատու ճանաչեց ՔԿՀ վարչության պետ Սամվել Հովհաննիսյանին:

2007-ին նա մեղադրվել է նաև ՌԴ –ում երեխայի  առևանգման և դրա դիմաց փրկագին պահանջելու համար: Չնայած Հովհաննիսյանը կալանավորվեց   և 5 ամիս մնաց  կալանքի տակ, նրա դեմ հարուցված գործը կարճվեց`  հանցակազմի բացակայության հիմքով:

Սամվել Թելմանիչը թերթերից մեկին  տված հարցազրույցում ասել է. «Ես խորապես վիրավորված եմ, որ ինձ կալանավորեցին 2-3 տականքի ցուցմունքով, որոնցից մեկը նախկինում դատապարտվել էր ավազակության, երկրորդը՝ գողության, մյուսը՝ բռնաբարության համար: Ես հանցագործ չէի և հանցագործ չեմ եղել: Ինձ հետ կատարվածից հետո կարող էի որոշ մարդկանց նկատմամբ հանցագործություն կատարել, բայց ես իմ պետությունը շատ եմ սիրում և մի քանի տականքի պատճառով չեմ ցանկանում երկրի դատաիրավական համակարգի իմիջը խաթարել»:

Ի դեպ Հովհաննիսյանների ընտանիքը մի շարք մութ պատմությունների հետ է կապված, սակայն նրանց դժբախտությունը Թելմանիչի որդին է, որը մեր ունեցած տեղեկությունների համաձայն թմրանյութի հետ սեր ունի և մարդկանց «քցելու» մեծ փորձ: Նրա պատճառով է նաև, որ հայրն ընկել է մի շարք խառը պատմությունների մեջ :

Հ.Գ.Այս գործը ԱԱԾ ում քննվում է դեռևս 2007-ից, հետաքրքիր է թե ի՞նչն է պատճառը, որ այն նման զարգացում ստացավ և անհրաժեշտություն առաջացավ կալանավորել ՔՀԿ նախկին պետին, որին, Ռոբերտ Քոչարյանը 5 տարի պաշտոնավարելուց հետո,  2005-ին  ճիշտ է, ազատեց զբաղեցրած պաշտոնից, սակայն ժամանակին պատասխանատվության չենթարկեց: