Երևանում, հունիսի 13-ի գիշերը ժամը 01.55-ին, 29-ամյա Ռոման Հակոբյանը, վարելով BMW մակնիշի ավտոմեքենան, Խանջյան փողոցում դուրս է եկել երթևեկելի գոտուց և բախվել էլեկտրասյանը, ինչի հետևանքով մեկ մարդ մահացել է, իսկ 3-ը՝ տարբեր աստիճանի մարմնական վնասվածքներով տեղափոխվել են հիվանդանոց:

Գրիգոր Լուսավորիչ բժշկական կենտրոնից տեղեկացրել են, որ Մարիամ Գևորգյանը մահացել է, իսկ Շամիրամ Գրիգորյանի վիճակը ծանր կայուն է:

ԱԻՆ լրատվական ծառայությունից էլ տեղեկացրել են, որ հունիսի 13-ին, ժամը 01.55-ին ոստիկանությունից տեղեկություն է ստացվել, որ Երևանի Խանջյան և Չայկովսկի փողոցների խաչմերուկում տեղի է ունեցել ավտոպատահար, կան տուժածներ: Դեպքի վայր է մեկնել մեկ մարտական հաշվարկ: Պարզվել է, որ BMW մակնիշի 33 LD 321 համարանիշի ավտոմեքենան (վարորդ՝ 29-ամյա Ռ. Հակոբյան) դուրս է եկել ճանապարհի երթևեկելի հատվածից, մխրճվել «Զեբրա» բացօթյա սրճարանի տարածք և բախվել սյանը:

Պատահարի հետևանքով 21-ամյա Շամիրամ Գրիգորյանը տարբեր մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց: Նրա առողջական վիճակը բժիշկները գնահատել են միջին ծանրության: Երկրորդ տուժածը՝ Մարիամ Գեւորգյանը, տեղափոխել է «Սուրբ Գրիգոր Լուսավորիչ» բժշկական կենտրոն, որտեղ էլ մահացել է:

Տեղեկացնենք, որ վթարի ենթարկված աղջիկները պարուհիներ են, իսկ մահացածը պարուհի Մագան է՝ <Մագա դանս շոոուի> հիմնադիրը: Նրանք վթարից ընդամենը ժամեր առաջ եղել են Փարվանա ռեստորանում: