Համաշխարհային խաղաղության աղյուսակի (Global Peace Index) տվյալներով, անցած տարվա համեմատ, 2012-ին աշխարհն ավելի խաղաղ է դարձել` չնայած Սիրիայում հակամարտության սրմանը և Եւրոպայում հասարակական անկարգություններին:

Աշխարհին խաղաղության ցուցանիշներով բարելավում բերել է հատկապես դրությունը աֆրիկյան երկրներում: Վերջին 2 տարվա մեջ սա աշխարհի մակարդակով խաղաղության ցուցանիշի առաջին բարելավումն է:

Առաջին անգամ է, որ անդրսահարյան Աֆրիկան այլևս աշխարհի ամենանվազ խաղաղ տարածաշրջանը չէ. Այն զիջում է Միջին Արևելքին և Հյուսիսային Աֆրիկային՝ Արաբական գարնան հետևանքով:

Ուսումնասիրությունը, հաշվի առնելով առաջին հերթին հասարակական անկարգությունները, ռազմական ծախսերը, ներգրավվածությունը զինված հակամարտության մեջ և հարաբերությունները հարևանների հետ, 23 կետով դիտարկել է աշխարհի 158 երկիր:

Միջին Արևելքից բացի աշխարհի բոլոր մյուս տարածաշրջանները բարելավման ցուցանիշ են գրանցել: Վիճակի ամենածայրահեղ վատթարացումը, գրանցվել է Սիրիայում: Սիրիան, դառնալով աշխարհի 147-րդ ամենախաղաղ երկիրը, իր դիրքերը զիջել է 30 կետով: Սակայն աշխարհի ամենա ոչանվտանգ վայրը, արդեն երկրորդ տարին շարունակ, Սոմալին է:

Լատինական Ամերիկայում խաղաղության ցուցանիշի բարելավման լավագույն օրինակ է համարվել Վենեսուելայի (123) և Կոլումբիայի (144) հարաբերությունների կարգավորումը:

Ասիայում ամեն բան կայուն է գնահատվում, չնայած ԱՄՆ-ի (88) և Չինաստանի (89) միջև սպառազինությունների մրցավազքին: Ասիայում դրական շարժ է համարվել Շրի Լանկայում քաղաքացիական պատերազմի ավարտը, ինչն այդ երկրի դիրքերը բարելավել է միանգամից 30 կետով: Աֆղանստանը 157-րդ՝ նախավերջին ամենախաղաղ երկիրն է աշխարհում:

Եվրոպայում վատագույն ցուցանիշը Հունաստանինն է՝ 77-րդ տեղ: Տնտեսական ճգնաժամից ամենաշատը տուժած երկրներից մեկը՝ Իսլանդիան, մնացել է աշխարհի ամենախաղաղ երկիրը: Այն իր դիրքը պահպանում է երկրորդ տարին շարունակ: 2012-ի առաջատարների տասնյակն են կազմում ` Իսլանդիա, Դանիա, Նոր Զելանդիա, Կանադա, Ճապոնիա, Ավստրալիա, Իռլանդիա, Սլովենիա, Ֆինլանդիա, Շվեյցարիա:

Ռուսաստանը 153-րդն է՝ 158 երկրների շարքում: Իրանը հայտնվել է 128-րդ տեղում: Ադրբեջանը 132-րդն է: Վրաստանը 141-րդը: Թուրքիան՝ 130-րդը: Հայաստանը 115-ն է՝ այս ցուցանիշով առաջատարը տարածաշրջանի երկրների շարքում: Հայաստանն իր դիրքերը զիջել է 5 կետով. անցած տարի 110-րդն էր 153 երկրների շարքում: Թուրքիան իր դիրքերը զիջել է 2 կետով, Ադրբեջանը՝ 9, Իրանը՝ 7, Վրաստանը՝ 7:

Զեկույցում հաշվված է, որ եթե աշխարհը լրիվ խաղաղ լիներ 2011-ին, ապա 9 տրիլիոն ԱՄՆ դոլարի տնտեսական հավելյալ եկամուտ կլիներ:

Համաշխարհային խաղաղության վերաբերյալ ուսումնասիրությունը, սկսել է անցկացվել 6 տարի առաջ, այն իրականացնում է ամերիկա-ավստրալիական Տնտեսության և խաղաղության ինստիտուտը: