Բոլոր ժամանակների ամենագեղեցիկ, ամենանրբագեղ, ամենագրավիչ և ամենասեքսուալ և ամենացանկալի կանանցից մեկը՝ Մերլին Մոնրոն, իր ցնցող գեղեցկությունից, իր բուռն կյանքից և սիրավեպերից բացի հայտնի է նաև իր արտասովոր ու հանելուկային մահով:

Մոնրոյի անշնչացած մարմինը 1962 թ.-ի օգոստոսի 5-ին գտել են իր սեփական բնակարանում:Մերլին Մոնրոն (Նորմա Ջին) ծնվել է 1926թվականի հունիսի 1-ին, Լոս-Անջելոսում:
Թողնելով ուսումը նա տասնվեց տարեկանում ամուսնանում է: Հարսանիքից մեկ տարի հետո աշխատանքի է անցնում ավիացիոն գործարանում, որից հետո ավարտվում է նրա առաջին ամուսնությունը:
1944 թվականին տասնութամյա Նորմա Ջինը որպես ֆոտոմոդել ստանում է իր առաջին հոնորարը:
1948-ին Մերլին Մոնրո բեմական կեղծանունով վեցամսյա պայմանագիր է կնքում «Կոլոմբիա Պիկչերս» ստուդիայի հետ: «Նիագարա» և «Ջենտլմենները գերադասում են շիկահերներին» կինոնկարների էկրան բարձրանալուց հետո Մերլին Մոնրոն դառնում է ճանաչված աստղ և սեքս-խորհրդանիշ:
1951թվականին նա ծանոթանում է Ջոն Քենեդիի հետ: 1954-ին Մոնրոն ամուսնանում է ամերիկյան բեյսբոլի աստղ Ջո Դի Մաջոյի հետ: Ամուսնությունը տևում է ընդամենը ինը ամիս:
Նույն թվականին ստանում է «Ամենահայտնի դերասանուհի» մրցանակը: 1956-ին նա կրկին ամուսնում է դրամատուրգ Արթուր Միլերի հետ:
Մերլին Մոնրոն մահանում է 36 տարեկանում՝ քնաբերի մահացու չափաբաժնից:

Դիահերձումից հետո հայտարարել են, որ Մոնրոն մահացել է չափից շատ քնաբեր հաբեր օգտագործելու պատճառով: Սակայն 36-ամյա դերասանուհու մահը դժվար թե լիներ պատահականություն: Կան մահվան շատ վարկածներ, սակայն ամենահավանականները հետևյալներն են.

• Սպանություն, պատվիրված Քենեդի եղբայրների կողմից /Մոնրոյի և Քենեդու մեջ եղած կապը թաքցնելու նպատակով/
• Սպանություն մաֆիայի կողմից
• Նարկոտիկի չարաշահում
• Ինքնասպանություն
• Դերասանուհու հոգեբանի սխալ /սխալ չափաբաժնով դեղերի նշանակում/