Թե իրականում ինչ ենթատեքստ ունի կոմայգու տրանսների հետ կապված կրակոցն ու միջադեպը մեզ առայժմ չհաջողվեց պարզել քանի որ տրանսները որպես կանոն շատ հաճախ են փոխում իրենց հեռախոսահամարները, իսկ նմանապիպ դեպքերում, որպես կանոն անցնում են ընդհատակ: Սակայն մեր ունեցած տեղեկություններով, վնասվածքներ ստացած անձանցից մեկը եղել է տաքսու վարորդ, որոնք ծառայություններ են մատուցում տրանսներին:

Մայիսի 29-ի գիշերը, Երևանի «Կոմայգում» տրանսվեստիտների ուղղությամբ արձակված կրակոցների փաստի առնչությամբ ոստիկանության մամուլի ծառայությունից  հայտնում են, որ մայիսի 29-ին, ժամը 01.45-ին, ոստիկանության Երևան քաղաքի վարչության հերթապահ մասից  ոստիկանության Կենտրոնականի  բաժնում հաղորդում է ստացվել, որ իրենց է զանգահարել 21-ամյա Գևորգ Թ.-ն և հայտնել, որ անհայտ անձինք «Տոյոտա Պրադո» ավտոմեքենայի սրահից օդամղիչ ատճանակով կրակել են իր և 43-ամյա Տիգրան Ք.-ի ուղղությամբ, ինչի  հետեւանքով ինքը ոտքի մասում ստացել է վնասվածք:

Ձեռնարկված օպերատիվ-հետախուզական միջոցառումների շնորհիվ Փ. Բուզանդի փողոցի թիվ 35 հասցեի մոտ հայտնաբերվել է «Տոյոտա Պրադո»  մակնիշի ավտոմեքենան, որի վարորդը` 22-ամյա Գոռ Տ.-ն և ուղևորը` 21-ամյա Գրիգոր Ե.-ն, բերման են ենթարկվել բաժին, որտեղ Գոռ Տ.-ն ներկայացնելով «Բայկալ ՄՊ-654Կ» տիպի օդամղիչ ատրճանակը` հայտնել է, որ Երևանի քաղաքապետարանի մոտ գտնվող այգում Գևորգ Թ.-ի և Տիգրան Ք.-ի ուղղությամբ կրակել է ինքը:

Գևորգ Թ.-ին և Տիգրան Ք.-ին տրվել են դատաբժշկի ուղեգրեր: