Ֆեյսբուք սոցիալական ցանցում մի հետաքրքիր առաջարկ է եղել. «Մոսկվիչկա. սուպերմարկետի մոտից Աբովյան փողոց վերադարձնել քանդակագործ Լևոն Թոքմաջյանի կերտած Կարաբալայի արձանը։ Ի դեպ նախաձեռնությունը բավականին լայն արձագանք է գտել Ֆեյսբուքում։ Մեկուկես օրում այն ձեռք է բերել ավելի քանի հինգ հարյուր համակիր։
Միջոցառման նկարագրության մեջ նշված է.
«Սիրելի´ երևանցիներ, ամեն օր տեսնելով Կարաբալայի արձանը Москвичка սուպերմարկետի դիմաց լքված կանգնած՝ ափսոսում եմ, որ իբր թե արձանի լինելիությամբ հարգանք ենք մատուցում իրեն… Եկեք փորձենք նրան տեղափոխել Աբովյան փողոցի իր նախկին տեղը, որտեղ նա անցորդներին իրոք կբաժանի իր վարդերը… Այս փոքր քայլով փորձենք մի փոքրիկ դետալ մեր հին քաղաքից ետ բերել…»։
Նախաձեռնության հեղինակները և Լևոն Թոքմաջյանը ցանկանում են Կարաբալայի արձանն Աբովյան փողոց տեղափոխել։ Այդ խնդրանքով քանդակագործը դիմել է նաև Երևանի քաղաքապետարան։ Քաղաքապետ Տարոն Մարգարյանը երեկ իր Ֆեյսբուքյան էջում գրել է, որ քաղաքապետարանում արդեն հարցը քննարկվում է, և առաջիկայում իր կողմից կդրվի քննարկման քաղաքաշինության գեղարվեստական խորհրդում, և արդյունքների մասին տեղյակ կպահեն հանրությանը։ Քաղաքապետը խոստացել է հաշվի առնել նախաձեռնության հեղինակների կարծիքը։
Քաղաքապետարանը առայժմ հստակ պատասխան չի տվել քանդակագործ Լևոն Թոքմաջյանին: Նա խոստացել է չնահանջել և նախատեսված օրը՝ հունիսի 16-ին, Երևանի խորհրդանիշերից մեկը դարձած ծաղկավաճառի արձանն իր նախկին տեղը վերադարձնել։ Քանդակագործն արդեն աշխատում է արձանի պատվանդանի պատրաստման վրա։
- 13:10Հայտնի է ջերմաստիճանը, որի ժամանակ ակտիվանում է կորոնավիրուսը. MedRxiv
- 13:10Հայաստանը քո ձեռքում դարձել է ժողովրդավարության պոչամբար՝ սրանից բխող բոլոր տոքսիկ հետեւանքներով. Աշոտյանը՝ Փաշինյանին
- 14:10Վլադիմիր Պուտինն ու Դմիտրի Մեդվեդևը շնորհավորական ուղերձներ ու ծաղկեփնջեր են ուղարկել Աննա Հակոբյանին
- 14:10Ինչ ընդհանրություն կա պատգամավորների թվի և Գարեգին Բ կաթողիկոսի միջև
- 17:28ՍՈՒՐԲ ԳԻՐՔՆ ԱՄԵՆ ՕՐ (31 մարտ 2018թ.)
- 16:48Նիկոլ Փաշինյանի հեղինակած երգը (տեսանյութ)
- 16:02Ֆիլիպ Կիրկորովը իր երեխաների համար տնային դիսնեյլենդ է կառուցել
- 14:25Սուրբ Զատիկի տոնին բազմաթիվ միջոցառումներ կկազմակերպվեն. Ժամանակացույց
- 17:30ՍՈՒՐԲ ԳԻՐՔՆ ԱՄԵՆ ՕՐ (30 մարտ 2018թ.)
- 15:27Այդ դեպքում, ինձ պետք է վաղուց բանտ նստեցրած լինեին իմ խենթ սանրվածնքների համար. Ջուս