Միլիարդատեր Բիձինա Իվանիշվիլին, որը նաև առաջնորդն է Վրաստանի ընդդիմադիր «Վրացական երազանք»- կուսակցության, մտադիր է կոալիցիայի հետ համատեղ հաղթել աշնանը կայանալիք խորհրդարանական ընտրություններում, հայտարարել է, թե Ռուսաստանի հետ բանակցություններ կսկսի «իշխանության ղեկին գտնվելու երկրորդ օրն իսկ»: Ռուսամետ գործիչը   «Կավկազիա» հեռուստաալիքին ասել է. թե՝«Միևնույն ժամանակ, անհրաժեշտ է վերականգնել մեր աբխազ ու հարավօսիացի եղբայրների հետ քանդված կամուրջները»:

«Երբ վրացիները տեղ չունեն Վրաստանում, բնականաբար, օսիացիներն ու աբխազները չեն ցանկանա վերադառնալ այստեղ, և նրանց դժվար է դրանում համոզելը: Իսկ տարածքները պետք է պարտադիր վերադարձվեն,- ասել է Իվանիշվիլին,- Ճիշտ է դա շատ շուտով տեղի չի ունենա, սակայն պետք է աշխատել և ոչինչ չբացառել»:

Նա ասել է, որ պատրաստվում է աշխատել մի քանի ուղղություններով և պետք է կարճ ժամանակահատվածում երկիրը վերակառուցել ժողովրդավարական ինստիտուտների հիման վրա:«Իհարկե, պետք է սկսել Ռուսաստանի հետ հարաբերությունների կարգավորումից: Սակայն գլխավորը երկրում այնպիսի մթնոլորտ ձևավորելն է, որ մարդիկ ցանկանան ապրել այստեղ»,- ասել է `ընդիմադիր գործիչը նշելով, որ դրանից հետո, ԱՄՆ-ն ու Եվրոպան իրենց ավելի շատ կաջակցեն: Ես վստահ եմ, որ մենք կհաղթենք, ու կհաղթենք` առանց որևէ բռնության»:

« Մայիսի 27-ից հետո «Վրացական երազանք»-ը սկսի իր նախընտրական քարոզարշավը հանրահավաքներով», — տեղեկացրել է Իվանաշվիլին: