«ՉԻ» աղբյուրների փոխանցմամբ, օրերս հայրենի օլիգարխներից մեկին պատկանող ռեստորանային համալիրում մեծ խնջույք են կազմակերպել բարձրագույն չինովնիկների ու մեծանուն մանդատավորների կանայք` ի նշան իրենց քաջագործ ամուսինների հաղթանակի: Թերթի աղբյուրները պնղում են, որ նրանց կազմի մեջ է եղել մեծն վարչապետի տիկինը, «Ջերմուկ Գրուպ» ընկերության Աշոտ Արսենյանի`Քլոսի կինը, «Վալեքս Գրուպ»-ի սեվւականատերերի տիկնայք, նախարարական կանայք և շատ ուրիշները, որոնց հավաքույթը վերածվել է «Բացահայտում» հաղորդաշարի, որի ընթացքում «պերվի կրուգ» կանայք անկեղծացել են, թե որտեղ կուզենային տեսնել խելքի մեջ կորած իրենց ամուսիններին, և ում ինչ է պետք այս կյանքում ընդհանրապես: Հավաքվածներից ոմանք նախ ափսոսանք են հայտնել, որ իրենք սեփական առանձնատուն չունեն Գերմանիայում ու Ֆրանսիայում` ասելով, որ այդ երկրներն են իսկական երկրի նման, այլ ոչ թե մաքսայինով ու հարկայինով իրենց ամուսիններին խեղդամահ անող Հայաստանը, իսկ որոշներն էլ ուղղակի անկեղծ խոստովանել են, որ իրենց ամուսինների տեղը ոչ թե խորհրդարանն է կամ գործադիրում պաշտոն ստանալը, այլ ճիշտ և ճիշտ հանգստյան տներից մեկում մշտականով հանգիստ ձևակերպելը, քանի որ բիզնես դասի կանանցից մեկը, չդիմանալով այղ խոսակցության լարվածությանը, պարզապես տեղից պոռթկացել է. «Համ սաղ գործերն ենք մենք անում, համ սրանց ասում ենք քաղաքականության մեջ իրենց ոնց պահեն, համ էլ տանջվում ենք իրենցից շատ: Անունն էլ եղավ, որ իրենք օրվա հերոսներն են, մենք էլ տունը նստած համավոր հարսները»: