ՄԱԿ-ի հայաստանյան գրասենյակում մամուլի ազատության օրն ամփոփվեց Թրաֆիքինգի դեմ պայքարին նվիրված լրագրողական առաջին մրցույթի հաղթողների մրցանակաբաշխության արարողությունը: Հայաստանում ՄԱԿ-ի մշտական համակարգող Դաֆինա Գերչևան միջոցառման ընթացքում ընթերցեց ՄԱԿ-ի գլխավոր քարտուղարի ուղերձը՝ նվիրված մամուլի ազատության օրվան:

Հաղորդագրություն տարածվեց, թե ներկա են եղել նաև ՀՀ-ում մարդկանց շահագործման հարցերով խորհրդի նախագահ, փոխվարչապետ Արմեն Գևորգյանը, Հայաստանում ԱՄՆ-ի արտակարգ և լիազոր դեսպան Ջոն Հեֆերնը և այլոք:

Հետաքրքիր է, որ մամուլի ազատության ջատագովները նույնիսկ մրցանակաբաշխության շրջանակներում, տեղյակ չեն պահել այն լրատվամիջոցներին որոնք մասնակցել են մրցույթին: Ավելին` մասնավորապես, մեր կողմից ներկայացված նյութերում առկա էին փաստեր, որոնք պետք է, որ հետաքրքրեին, ժյուրիին: Սակայն մենք որևէ հարց, կամ պարզաբանման հրավեր չենք ստացել: Այն, որ  քննարկումն եղել է առանց մրցույթին ներկայացված հեղինակների ու նրանց անհայտ պայմաններում, արդեն խոսում է այն մասին, որ այս ամենը կրում է սոսկ ձևական բնույթ ( Իսկ գուցե որևէ քննարկում չի էլ եղել): Թրաֆիկինգի օջախներն այսօր էլ գործում են անխափան ու դրա զոհերը ՀՀ քաղաքացիներ են: Վկան` «Հայկական Վարկած» ում եղած հրապարակումները, որոնցից միայն երկուսն էին ներկայացված մրցույթին:

Չնայած դրան, «ՀՀ-ում մարդկանց շահագործման հարցերով» խորհրդի նախագահ,  ՏԿ նախարար Արմեն Գևորգյանը հայտարարում է, որ ՀՀ-ում կառավարությունը հետևողական աշխատանք է իրականացնում մարդկանց շահագործման երևույթի՝ թրաֆիքինգի դեմ:

«Այս տարվա սկզբին պարզ դարձավ, որ պետականորեն իրականացվող աշխատանքները հասել են այն մակարդակի, որ անհրաժեշտ է հանրային աջակցություն: Վերջին տարիներին այս ոլորտում դրական տեղաշարժ ենք արձանագրել, բայց, ցավով նշում եմ, որ այն դեռ շարունակում է գոյություն ունենալ հայկական իրականության մեջ», — ասում է Գևորգյանը:

Ավելացնենք, որ.

«Հեռուստատեսություն և ռադիո» անվանակարգում առաջին տեղին արժանացավ Արզուման Հարությունյանը՝ «Արմենիա» հեռուստաընկերությամբ ցուցադրված սոցիալական հոլովակաշարի համար: Երրորդ տեղը շնորհվեց Սիրանույշ Մուրադյանին՝ «Երկիր մեդիա» հեռուստաընկերությամբ ցուցադրված «Ճորտերը» ռեպորտաժի համար: Այս անվանակարգում՝ երկրորդ տեղի համար ժյուրին ոչ ոքի մրցանակի չի արժանացրել:

«Տպագիր և առցանց լրատվամիջոցներ» անվանակարգում ևս մրցանակակիր չկար: Փոխարենը, «Հետք» պարբերականին շնորհվեց խրախուսական մրցանակ՝ տարիներ շարունակ թրաֆիքինգի թեմային հետևողականորեն անդրադառնալու համար:

«Հայկական Վարկած»