Համամասնական ընտրակարգով թիվ 7 ընտրատարածքում առաջադրված «Հայկական ժամանակ» օրաթերթի» խմբագիր, Նիկոլ Փաշինյանն այսօր լրագրողների հետ հանդիպմանը հայտարարեց, թե նույն ընտրատարածքում առաջադրված Րաֆֆի Հովհաննիսյանը դեռևս դիմում չի ներկայացրել իր թեկնածությունը հանելու վերաբերյալ: Ի դեպ,Նրան արձագանքելով , Ժառանգության» խմբակցության ղեկավար Ստեփան Սաֆարյանը , նշել է .« Այդքան մտահո՞գ են, Ր.Հովհաննիսյանը, վեր կանգնելով ամեն ինչից, ինքնաբացարկ է հայտարարել»: Ապա կարծիք է հայտնել, թե Նիկոլ Փաշինյանն այն թեկնածուն չէ, ով կարող է հաղթել Սամվել Ալեքսանյանին:

Փաշինյանի հաջորդ ասելիքը վերաբերում էր ԱԺ-ին: Նա տեղեկացրեց նաև, որ այսօր առավոտյան Ազգային ժողովի նախագահ Սամվել Նիկոյանին հասցեագրել է նամակ-գրություն և պահանջել, ներկայացնել  իր մրցակից, մեծամասնական ընտրակարգով թիվ 7 ընտրատարածքում առաջադրված,
պատգամավոր Սամվել Ալեքսայնանի՝ ԱԺ նիստերից բոլոր բացակայությունների պատճառները.«Սամվել Ալեքսանյանը չորրորդ գումարման նիստերի կեսից ավելին բացակայել է և առնվազն տասը անգամ պետք է զրկվեր մանդատից բայց դա չի եղել։ Եթե չի զրկվել ուրեմն անաշխատունակ է եղել և դրա համար թուղթ է ներկայացրել: Հաշվի առնելով հարցի հանրային նշանակությունը, պահանջում եմ ինձ ներկայացնել անհարգելի բացակայությունների բոլոր պատճառները»,– Փաշինյան ներկայացրեց իր նամակի բովանդակությունը»:

Նա հայտարարեց, որ պատգամավորների դեպքում պետք է հանրությունը տեղյակ լինի պատճառների մասին: Եթե այդ անձինք ունեն խրոնիկ հիվանդություն ապա հանրությունը պետք է տեղյակ լինի, որ նրանք ի վիճակի չեն կատարել իրենց պարտականությունները ԱԺ-ում

Ի դեպ «Ժառանգությունը» պայման է դրել ՀԱԿ-ի առաջ, որ Րաֆֆի Հովհաննիսյանը կհանի թեկնածությունը, եթե ՀԱԿ-ն էլ իր հերթին իր 5 թեկնածուներին հանի թիվ 1, 4, 6, 9, 12 ընտրատարածքներից: Նշենք, որ թիվ 1 ընտրատարածքում «Ժառանգությունից» առաջադրված է Ստեփան Սաֆարյանը, թիվ 4-ում՝ Զարուհի Փոստանջյանը, թիվ 6-ում՝ Արմեն Մարտիրոսյանը, թիվ 9 ընտրատարածքում՝ Ռուբիկ Հակոբյանը և 12-ում՝ Անահիտ Բախշյանը:

«Ժառանգությունը»  կարծում է, որ ՀԱԿ-ը պետք է իր ներկայացուցիչների թեկնածությունը հանի, քանի որ նա մեծամասնական ընտրակարգով  38 առաջադրում է  կատարել: