«Հայկական ժամանակ». Արդեն երկար ժամանակ է «Կարեն Դեմիրճյանի անվան մարզահամերգային համալիր» ՓԲԸ-ի բաժնետոմսերի 75 տոկոսը գտնվում է ՀՀ պաշտպանության նախարարության տիրապետման տակ: Բանն այն է, որ նշված ընկերության սեփականատերերը` Մուրադյան եղբայրներից երեքը` Հովհաննեսը, Հակոբը և Մուրադը, իրենց մեկ այլ ընկերության անունով ՀՀ կառավարությունից դեռ երկու տարի առաջ 20 միլիոն դոլարի վարկ են վերցրել, որի դիմաց էլ գրավադրվել են մարզահամերգային համալիրի բաժնետոմսերը, որոնք հայտնվել են ՊՆ կառավարման ներքո: Թերթի թղթակցի հետ զրույցում Մուրադյանների չորրորդ եղբայրը` Բորիս Մուրադյանը, հաստատել է նման գործարքի գոյության փաստը: Այս պատմության մեջ ուշագրավ է նաև այն, թե ինչի համար Է տրվել վարկը: Ըստ լուրերի, գումարը տրվել է«ԲԱՄՕ» ընկերության կողմից` Սոչի քաղաքում հյուրանոցային համալիր կառուցելու նպատակով: Այն, որ ՀՀ կառավարությունն առնչություն ունի այդ հյուրանոցային համալիրի կառուցման հետ, հաստատվում է այն փաստով, որ Սոչիում կառուցվող «Արմենիա» անունով հյուրանոցային համալիրի ճարտարապետական մրցույթի ժյուրիի կազմում 2009-ին ընդգրկված է եղել նաև Երևանի գլխավոր ճարտարապետ Նարեկ Սարգսյանը, որն այն ժամանակ զբաղեցրել է ՀՀ քաղաքաշինության նախարարի տեղակալի և Հայաստանի գլխավոր ճարտարապետի պաշտոնը: Ավելին, 2009-ի հուլիսի վերջին նա պետբյուջեի միջոցների հաշվին է մեկնել Սոչի` նշված ժյուրիի ամփոփիչ նիստին մասնակցելու համար: ՀՀ Վարչապետ Տիգրան Սարգսյանի որոշմամբ, Նարեկ Սարգսյանի այցը Սոչի` ձևակերպվել է որպես գործուղում: Թերթը հիշեցնում է, որ մարզահամերգային համալիրը 5 միլիոն 700 հազար դոլարով ԲԱՄՕ ընկերությանը մասնավորեցվել է 2005-ի օգոստոսին: ՀՀ կառավարության 2009-ի հոկտեմբերի 26-ի որոշման համաձայն, 2005-ի սեպտեմբերից մինչև 2008-ի սեպտեմբերը ԲԱՄՕ-ն համալիրում ներդրել է 4 միլիարդ 275 միլիոն դրամ, որն այն ժամանակվա փոխարժեքով կազմել է մոտ 14 միլիոն դոլար: Այսինքն, փաստաթղթերում նշված տվյալներով` «ԲԱՄՕ»-ն մարզահամերգային համալիրի վրա ընդհանուրը մոտ 20 միլիոն դոլար է ծախսել: Այս վարկային պատմության առնչությամբ մեր թղթակիցը փորձել է ՀՀ կառավարությունից մեկնաբանություն ստանալ, սակայն, հարցերին ի պատասխան, կառավարությունից ուղարկել են իրենց ինտերնետային կայքի հասցեն` անուղղակի հաստատելով մարզահամերգային համալիրի շուրջ ստեղծված խնդրի գոյությունը:
- 11:10հայց՝ ընդդեմ 2 ընկերության ու ՀՀ վարչապետի աշխատակազմի.Զուրաբովը դատի է տվել
- 15:10Տիգրան Արզաքանցյանը պատրաստ է իրեն պատկանող ընկերությունների բաժնետոմսերի մի մասը նվիրել կառավարությանը՝ մեկ նախապայմանով
- 15:10«Վանաձոր» ՔԿՀ-ի ծառայողները կալանավորի բերանում սափրիչի սայրեր են հայտնաբերել
- 15:10Համակարգային կոռուպցիա. ՊԵԿ պաշտոնյաները խոշոր չափերով կաշառքներ են ստացել տնտեսվարողներից
- 14:10Դատարան է ներկայացվել ապօրինի ծագում ունեցող գույքի բռնագանձման վերաբերյալ առաջին հայցադիմումը
- 11:10Առուշ Առուշանյանի հոր դեմ քրեական գործ է հարուցվել. Փաստաբանը մանրամասնեց, թե ինչու են իրավապահները ներխուժել շտաբ
- 15:10ԱԱԾ–ն պատվաստման կեղծ հավաստագրեր տրամադրելու 9 դեպք է բացահայտել. մեղադրյալներից 3–ը պաշտոնյաներ են
- 11:10Պատվիրատուի սպասելիքները որևէ ձևով արդարացնել է պետք. Սերժ Սարգսյանի փաստաբանն արձագանքել է ՀՔԾ-ին
- 13:10Սերժ Սարգսյանի՝ Բադեն-Բադեն այցելությունների վերաբերյալ ՀՔԾ-ում նյութեր են նախապատրաստվում
- 13:10Նիկոլ Փաշինյանի բողոքին փոխարինում է գրառման «սքրինշոթը». Մանվել Գրիգորյանի որդու դեմ ոստիկանությունը նյութեր է նախապատրաստում՝ Փաշինյանին վիրավորելու համար