Այսօր լրագրողների հետ է  հանդիպել Ժողովրդական կուսակցության նախագահ Տիգրան Կարապետյանը: Նա նշել է որ քաղաքական իրավիճակը տխուր է և ամեն ինչ դեպի վատն է ընթանում` հավելելով, որ մենաշնորհը լավ չէ քաղաքականության մեջ, այնինչ իշխանության է գալիս նույն կլանը, «Ոչ ոքի չեն թողնում գալ խորհրդարան, շրջապատում են իրենց դավաճաններով և դրանով մխիթարվում: Ասում են, տեսեք, երեկ ընդդիմադիր էր, այսօր մեր կողքին է, ուրեմն մենք լավն ենք: Բայց չեն ասում, որ իրենք են ծնել նրանց: Կոմունիստներից են սովորել և ոչինչ չի փոխվել: Ասում են, թե կենսաթոշակներն ավելացել են 12 տոկոսով, այնինչ ընդամենը 2200 դրամով է ավելացել: Բայց նախընտրում են տոկոսով ասել, որովհետև հակառակ դեպքում ծիծաղելի կլինի իրենց համար»,- ասաց Տիգրան Կարապետյանը:

Անդրադառնալով առաջիկա ընտրություններին, նա հայտարարեց, որ իր թեկնածությունն առաջադրելու է մեծամասնական ընտրակարգով, քանի որ համամասնականով գողանում են իրենց ձայները: Նա  որոշել է իր թեկնածությունն առաջադրել Արտաշատի թիվ 17 ընտրատարածքում. «Լավ կլիներ, որ իր հետ առաջադրվեին Հովիկ Աբրահամյանը, նրա եղբայրը, Ալիկ Սարգսյանը և ցավում եմ որ նրանք ցուցակներով են առաջադրվելու»:

Անդրադարձ կատարելով ընդիմադիր դաշտին Կարապաետյանը նշեց որ  ընդդիմադիր կեցվածք ունեցողը Հայ ազգային կոնգրեսը նորից միանձնյա ցուցակ է կազմում` Լևոն Տեր-Պետրոսյանի գլխավորությամբ. «Էլ ո՞ւր մնացին ՀԱԿ-ի այդքան կուսակցությունները: Չէ, որ եթե դա ՀԱԿ է, կուսակցությանների հավաք է, ուրեմն իրենք պետք է բազմակարծություն ապահովեն: Բայց չէ, նորից նույնը: Մենք տեսնում ենք մի անձ, լիդեր, որը ռեժիսորն է այդ իրավիճակի: Բայց ՀԱԿ-ի մեջ կան նաև ընդդիմադիր տարեր»,- ասաց նա:

Տիգրան Կարապետյանը հիշեցրեց, որ ինքը ժամանակին ասում էր, որ երբ առաջ գա համամասնական ցուցակի հարցը, ՀԱԿ-ը կփլուզվի, ապա հավելեց, որ ՀԱԿ-ը խորհրդարան կանցնի նվաստացած, 5-6 պատգամավորով.«ՀԱԿ-ում ընդդիմադիր լավ տղաներ էլ կան, բայց գլխավորում են նախագահները, նախկին չինովնիկները: Նրանք չեն կարող ընդդիմադիր լինել»,-ամփոփեց Կարապետիչը: