Forbes-ը հրապարակել է 2012-ի միլիարդատերերի ցուցակը: Այս տարվա վարկանշային աղյուսակը հոբելյանական է. Forbes-ն իր ցուցակները սկսել է կազմել ու հրապարակել 25 տարի առաջ:

Այս տարի ցուցակում հաշվվում է 1226 միլարդատեր` 4,6 տրիլիոն դոլար ընդհանուր կարողությամբ: Համեմատության համար` անցած տարի միլիարդատերերը 1210-ն էին` 4,5 տրիլիոն ընդհանուր կարողությամբ: Մեկ միլիարդատիրոջ միջին կարողությունն այս տարի կազմում է 3,7 մլրդ ԱՄն դոլար:

Ցուցակում 58 երկրի ներկայացուցիչներ են:

Միլիարդատերերի թվով առաջատար է մնում ԱՄՆ-ը` 425 մարդ, որին հաջորդում են Ռուսաստանը (96) և Չինաստանը (95):

Առաջատարը կրկին լիբանանյան ծագումով մեքսիկացի գործարար 72-ամյա Կառլոս Սլիմ Էլուն է (չնայած նրա կարողությունը կրճատվել է 5 մլրդ-ով)` իր 69 մլրդ դոլար գնահատվող կարողությամբ:

2-րդ տեղում Microsoft-ի հիմնադիր Բիլ Գեյթսն է` 61 մլրդ, իսկ 3-րդ տեղում ներդրումային մագնատ Ուորեն Բաֆեթը` 44 մլրդ կարողություններով:

Տասնյակում են Բեռնար Առնոն (41), Ամանսիո Օրտեգան (37,5), Լարի Էլիսոնը (36), Էյկե Բատիստան (30), Ստեֆան Փերսոնը (26),Լի Լա-շինը (25,5), Կառլ Ալբրեխտը (25,4):

20-յակում արդեն կան նաև կանայք` ի դեմս Լիլիան Բաթենքուրթի (24) և Էլիս Ուոլթոնի (23,3): 20-յակը եզրափակում է Նյու Յորքի քաղաքապետ Մայքլ Բլումբերգը` 22 մլրդ դոլարով: Ջորջ Սորոսը 22-րդն է` 20 մլրդ-ով: Facebook-ի հիմնադիր Մարկ Ցուկերբերգը 35-րդն է` 17,5 մլդ դոլարով: Ջորջո Արմանին 127-րդն է` 7,2 մլրդ-ով: Բիձինա Իվանիշվիլին 153-րդն է` 6,4 մլրդ-ով: Սիլվիա Բեռլուսկոնին 169-րդն է`5,9-մլրդ-ով:

Ամենահարուստ ռուսաստանցի գործարարը Ալիշեր Ուսմանովն է` 18,1 մլրդ դոլար կարողությամբ: Նա աշխարհում 28-րդն է: Նա Металлоинвест-ի, Мегафон-ի, Mail.ru Group-ի և Facebook-ի բաժնետեր է: Աշխարհի ամենահարուստների շարքում Միխայիլ Պրոխորովը 58-րդն է` 13,2 մլրդ-ով, Աբրամովիչը` 68-րդը` 12,1 մլրդ կարողությամբ: Դանիիլ Խաչատուրովը 634-րդն է` 2 մլրդ-ով:

Սամվել Կարապետյանը աշխարհում 804-րդն է, իսկ մեկ այլ հայ միլիարդատեր Քըրք Քըրքորյանը` 3,3 մլրդ կարողությամբ 344-րդ տեղում է:

Սերգեյ և Նիկոլայ Սարկիսովները 1015-րդն են` 1,2 մլրդ-ով: Ռուսաստանցի միլիարդատերերի ցուցակում միակ իգական սեռի ներկայացուցիչը Լուժկովի կինը` Ելենա Բատուրինան 1075-րդն է 1,1 մլրդ-ով: