Ամերիկյան Medicare բժշկական ապահովագրության համակարգում զեղծարարարություններին մեղսակից լինելու մեջ մեղադրվող Արթուր Մանասարյանը երեկ ԱՄՆ-ում 14 տարվա ազատազրկման է դատապարտվել: Ինչպես հաղորդում է ամերիկյան Jacksonville.com կայքը, Մանասարյանից հօգուտ ԱՄՆ-ի դաշնային կառավարության նաև 1,8 մլն դոլար պետք է բռնագանձվի:
49-ամյա Մանասարյանն օգոստոսին իրեն մեղավոր էր ճանաչել առողջապահության ոլորտում խարդախության և անձնական տվյալների գողության համար(նա ինը կեղծ ընկերություն էր բացել և ապահովագրական գումարներ ստանալու նպատակով 7,4 մլն դոլարի վճարման ենթակա հաշիվներ ուղարկել):
2010թ. հոկտեմբերին ԱՄՆ-ում խոշոր զեղծարարություն բացահայտվեց բժշկական օգնության համակարգում։ Ձերբակալվածների թվում էին նաև հայեր, ինչպես նաև հետխորհրդային երկրների այլ ներկայացուցիչներ։ Խմբավորման առաջնորդներից էր հայազգի Արմեն Ղազարյանը (մականունը՝ «Պզո»)։ Խմբավորումը գրանցել էր գոյություն չունեցող կլինիկաներ և այդ բուժհաստատությունների անունից պարբերաբար ապահովագրական գումարներ ստանալու համար ուղարկել վճարման ենթակա կեղծ հաշիվներ: Հանցավոր խմբի անդամները օգտագործել են երկրի 25 նահանգներում ընդհանրապես գոյություն չունեցող 118 կլինիկաների, ինչպես նաև հազարավոր հիվանդների անուններ: ԱՄՆ կառավարությանը խմբավորման հասցրած վնասն ավելի քան 200 մլն դոլար էր գնահատվել:
Փաստի առնչությամբ հարուցված քրեական գործի շրջանակում առնվազն 70 մարդու նկատմամբ մեղադրանք էր ներկայացվել, ձերբակալվել էր նաև հանցախմբի պարագլուխը` «Պզոն» (2011թ. հունիսի սկզբին «Պզոն» ևս իրեն մեղավոր ճանաչեց՝ խոշոր չափերի խարդախության համար։ «Պզոյին» մինչև 37 ամսվա ազատազրկում է սպառնում, որից հետո նրան պետք է վտարեն Միացյալ Նահանգներից):
Կայքն ընդգծում է, որ Մանասարյանի անմիջական հանցակիցներ են եղել 28-ամյա Խորեն Գասպարյանը, որին 20 տարվա ազատազրկում և 250 000 դոլար տուգանք է սպառնում, ինչպես նաև 57–ամյա Գեղամ Սարգսյանը, որի նկատմամբ Քրեական ոստիկանության միջազգային կազմակերպությունը (Ինտերպոլ) նույն գործի շրջանակում հետախուզում է հայտարարել:
Հաղորդվում է, որ Մանասարյանին ամերիկյան Նյու Յորք նահանգում կրկին բժշկական ապահովագրության ոլորտում կատարված զեղծարարությունների համար այլ դատավճիռներ են «սպասում»:
Tert.am
- 15:10Գեղարքունիքի մարզում պարեկների և քաղաքացիների միջև միջադեպ է տեղի ունեցել. կիրառվել է ֆիզիկական ուժ, արցունքաբեր գազ
- 14:10Փոխգնդապետ Արա Մխիթարյանին դաժանաբար ծեծելու համար դատապարտվածը դիմել է վաղաժամ ազատ արձակվելու համար
- 13:10Շուրջ երկու տարի անհետ կորած համարվող զինծառայողի մոր հեռախոսազանգերը հսկել են՝ զինծառայողի հետ հնարավոր կապը պարզելու համար.փաստաբան
- 15:10Խոշոր չափի փողերի լվացում՝ Վ. Գասպարյանի աջակցությամբ. մեղադրվում է ոստիկանության նախկին բարձրաստիճան պաշտոնյան
- 13:10Առնվազն 3,426,750 ԱՄՆ դոլարը քաղաքապետարանի պաշտոնյանները յուրացրել են. Մեսրոպ Առաքելյանը քաղաքային իշխանությանը մեղադրում է կոռուպցիայի մեջ
- 12:10Եթե զինվորները մահացել են շմոլ գազից, դա նշանակում է, որ առաջինը մահացած պետք է լիներ կապիտան Հակոբյանը. փաստաբան
- 11:10Գևորգ Պետրոսյանը չի ենթարկվել պարեկների պահանջին, հնչեցրել է սպառնալիքներ և դիմել փախուստի, մեքենան կանգնեցրել են հարկադրաբար
- 15:10«Կինդեր ձվիկ» կոնֆետներ, «Նուտելլա» և այլ ապրանքներ ձևակերպվել են որպես ՌԴ-ից ներմուծումներ, սակայն մակնշումները թուրքերեն են եղել. ՊԵԿ բացահայտումը
- 15:10ՔԿՀ պաշտոնյան «օրենքով գողից» կաշառք է ստացել
- 11:10Խարդախները փոխել են մարտավարությունը և հիշատակում են վարչապետի, նախագահի և ԱԺ նախագահի անունները. ԱԱԾ-ն իրազեկում է