«Ես պաշտամունքի ոչ մի մոդել չունեմ, ոչ մի Աստծո նկատմամբ, ես երբեք ոչ մի Աստծո առաջ չեմ խոնահրվում, ինչպես Ջոն Միլտոնի «Կորուսյալ դրախտը» էպոսի հերոսը: Բայց ես չեմ զբաղվում որևէ ծիսակարգով»,- այսօր կայացած ասուլիսին, ասաց Մաշտոցի այգում ի նշան բողոքի ակցիայի 8-օրյա հացադուլ հայտարարած  Բայանդուր Պողոսյանը, փորձելով խմբագրել իր հասցեին` իբրև սատանիստ հնչող քննադատությունները:

Ես չեմ ասել, որ ես սատանայապաշտ եմ, ես ասել եմ, որ սատանիստ եմ ու դա եղել է վաղուց, այգում ես նման բան չեմ ասել: Այս մասին ասաց բնապահպան– ակտիվիստը,  որի հացադուլը մի քանի ժամ տևեց:

Սատանիզմը մոդա է ու հատկապես վերջին շրջանում շատերը`հատկապես դեռահասներն ու ազատ կյանքի ձգտող երիտասարդները, անգամ չհասկանալով դրա բուն էությունը ելնելով միայն յուրօրինակ երևալու մոլուցքից հարում են այդ ուղղությանը:

Գրականության ինստիտուտի տնօրեն Վարդան Դևրիկյանը,   ոչ այնքան վտանգավոր է համարում Բայանդուրի ասածը, որքան  նրա գաղափարախոսությունն ու ազդեցությունը, որ կարող է հետաքրքրություն առաջացնել:  Գրող Մարինե Պետրոսյանը հակառակն է համոզված`  կարծում է, որ Բայանդուրի հայտնվելը հիանալի բան էր. «Իրանը ոչ թե կրոնական ա, այլ էսթեթիկաական, և դա դրական էֆեկտ ա»: Դրան Դևրիկյանը հակադարձեց` դա ավելի վատ է:

Բայանդուր Պողոսյանն այնքան էլ համեստ չէր, ու համարեց, որ սատանիզմը չընդունողը չի կարող գրագետ լինել:«Եթե այստեղ անգրագետ մարդ կա, դա դուք եք»,- ասաց նա ի պատասխան Դևրիկյանի հակադարձմանը:

Դևրիկյանը,  փորձեց իբր չվիրավորել ակտիվիստին, չգիտես ինչից եզրակացնելով. «Ես խորապես խղճում եմ քեզ, դու ուղղակի ազնիվ մոլորյալ ես»,-  նա: Սակայն Սատանայի ընտրյալը, չի կարող խղճահարության կարիքը ունենալ ու Բայանդուրը հայտարարեց այդ մասին. «Ես քո խղճահարության կարիքը չունեմ»: