Այսօր արդեն հայտնի է դարձել, «Jose» ժամանցի կենտրոնի նոր սեփականատերը: Գնորդը հանրությանը հայտնի Աժ պատգամավոր, Հարություն Փամբուկյանն է, որը 17 միլիոն դոլարով գնել է համալիրը:

Տևական ժամանակ էր համալիրի շուրջ տարաբնույթ խոսակցությունները չէին դադարում.

Վերջերս խոսվում էր այն մասին, որ  նորաբաց ռեստորանային համալիրը վաճառում են, նույնիսկ գինն էին նախանշել, մինչդեռ համալիրի սեփականատերը` Մհեր Ավետիսյանը հավատացնում էր, որ այլոց խոսակցություններից է իմացել այդ մասին: Դեռ չի դադարել խոսակցությունը Նավասարդ Կճոյանի սանիկի, նրա հետ կապված աղմկահարույց պատմության, ու ինչ որ միլիոնավոր դոլարների պարտքի շուրջ:

Իր այցելությունները սանիկի համալիր հրապարակավ ընդունեց նաև Նավասարդ սրբազանը: Հիշեցնենք, որ խոսքը այն սանիկի մասին է, որը նրան «Բենթլի» էր նվիրել: Այստեղ կարելի է հաճախ տեսնել հանրածանոթ դեմքերի: Չնայած բարձր գներին համալիրը այցելուների խնդիր կարծես թե չուներ, ուրեմն ինչ էր պատճառը, որ տերերը վաճառեցին այն:

Հնարավոր է երկու վարկած կամ` իրոք Մհեր Ավետիսյանի գործերը վատ են և միլիոնների պարտքը ու դրա հետ կապված պատմությունը իրականություն է,  կամ` համալիրը աշխատացնելը մեծ գումարներ է պահանջում, ինչը չի կարող ապահովել ներկայիս տերը:

Հ.Գ.Ավետիսյանների ընտանիքը եղել է «Jose» -ի տեղում գտնվող նախկին Կռունկ սրճարանի սեփականատերը, նրանց էր պատկանում Չարենցավանի հացի գործարանը: