ՀՀ կառավարությանն առընթեր պետեկամուտների կոմիտեն հրապարակել է Հայաստանի խոշորագույն հարկատուների ցանկը, որտեղ 2011-ի  9 ամսվա արդյունքներով առաջին տեղում Զանգեզուրի պղնձամոլիբդենային կոմբինատն է ` պետբյուջեին  վճարած  22.5 մլրդ դրամով:

Երկրորդ խոշորագույն հարկատուն «Հայռուսգազարդն» է`  մոտ 16 մլրդ դրամի հարկով:

3-րդ տեղում  12.2 մլրդ դրամով «Ղ-Տելեկոմն» է, որին  հաջորդում է Սամվել Ալեքսանյանին պատկանող «Ալեքս Գրիգը»` 11.9 մլրդ դրամ ցուցանիշով:

Հինգերորդ ցուցանիշը պատկանում է «Արմենթելին»` 9.7 մլրդ դրամ:

Վառելիքի ներմուծմամբ զբաղվող «Սիթի Պետրոլ Գրուպ» ընկերությունը, որն  9 ամսում վճարել է 7.8 մլրդ դրամ,  զբաղեցնում է 6-րդ հորիզոնականը:

7-րդ տեղում՝ «Հայաստանի էլեկտրական ցանցերն» է, իսկ «Ֆլեշը»,  7.2 մլրդ դրամ ցուցանիշով, 8-րդ հորիզոնականում է:

«Արմենիա միջազգային օդանավակայաններ» 5.5 մլրդ դրամ ցուցանիշով զբաղեցնում է 9-րդ հորիզոնականը:

Տասնյակը եզրափակում է «Հայկական ատոմակայանը»` 3.7 մլրդ դրամ:

asekose.am