Սեպտեմբերի 28-ին, ժամը 13.00-ին, հիվանդանոցից Ճանապարհային ոստիկանության հերթապահ մաս ահազանգ է ստացվել, որ իրենց մոտ բուժօգնության է տեղափոխվել մի 4-ամյա աղջիկ: Ինչպես հայտնում են ոստիկանությունից, պարզվել է, որ սեպտեմբերի 27-ին, ժամը 19.00-ի սահմաններում, Ագաթանգեղոսի փողոցից դեպի Խանջյան փողոցի տանող թունելում, իրար են բախվել «ՎԱԶ-2107» և «Ջիպ» մակնիշի ավտոմեքենաներ, ինչի հետևանքով էլ «ՎԱԶ-2107» մակնիշի ավտոմեքենայի փոքրիկ ուղևորուհին ստացել է մարմնական վնասվածք: Կատարվում է քննություն:

Սեպտեմբերի 28-ին, ժամը 23.30-ի սահմաններում, Մյասնիկյան պողոտայի թիվ 55/7 հասցեի մոտ իրար են բախվել «Մազդա» և «Օպել» մակնիշի ավտոմեքենաներ: «Մազդա»-ի 31-ամյա վարորդը մարմնական վնասվածքներով տեղափոխվել է հիվանդանոց: Կատարվում է քննություն:
Սեպտեմբերի 28-ին, ժամը 20.30-ի սահմաններում, «ՎԱԶ-2106» մակնիշի ավտոմեքենան Արտաշատ-Երևան ճանապարհի 15-րդ կմ-ին բախվել է «Ֆոլքսվագեն Վենտո» մակնիշի ավտոմեքենայի: «ՎԱԶ-2106»-ի ուղևորուհին մարմնական վնասվածքով տեղափոխվել է հիվանդանոց: Կատարվում է քննություն:

Սեպտեմբերի 28-ին, ժամը 21.15-ի սահմաններում, «ՎԱԶ-21099» մակնիշի ավտոմեքենան Արարատ-Ավշար ճանապարհի 1-ին կմ-ին բախվել է «Ֆորդ Տրանզիտ» մակնիշի ավտոմեքենայի: «ՎԱԶ-21099»-ի 3-ամյա ուղևորը մարմնական վնասվածքով տեղափոխվել է հիվանդանոց: Կատարվում է քննություն:

Սեպտեմբերի 28-ին, ժամը 14.40-ի սահմաններում, Վանաձորի Կ. Դեմիրճյան փողոցի սկզբնամասում իրար են բախվել «ՊԱԶ-3205» և «ԲՄՎ-728» մակնիշի ավտոմեքենաներ: «ԲՄՎ»-ի վարորդը և 3 ուղևորները մարմնական վնասվածքներով տեղափոխվել են հիվանդանոց: Կատարվում է քննություն: