Բախվել է ժայռին

Հունիսի 14-ին ոստիկանության Կապանի բաժնում հաղորդում է ստացվել, որ ժամը 09.00-ի սահմաններում 50-ամյա Կարեն Ս.-ի վարած «ՎԱԶ-2121» մակնիշի ավտոմեքենան Կապան-Եղվարդ ճանապարհի 7-րդ կմ-ին բախվել է ճամփեզրի ժայռին, ինչի հետևանքով ավտոմեքենայի 2 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

Վրաերթ Սասունցի Դավիթի Փողովում

Հունիսի 14-ին  ոստիկանության Էրեբունու բաժնում հաղորդում է ստացվել, որ ժամը 23.30-ին 24-ամյա Սերգեյ Մ.-ն «ԲՄՎ-535» մակնիշի ավտոմեքենայով Սասունցի Դավթի փողոցի թիվ 57 շենքի մոտ վրաերթի է ենթարկել մի տղամարդու և պատճառել մարմնական վնասվածքներ. տուժողը դեպքի վայր եկած շտապօգնության բրիգադի կողմից բուժօգնություն է ստացել:

Կատարվում է քննություն:

Դրախտիկ-Սևան Ճնապարհին

Հունիսի 14-ին ոստիկանության Ճամբարակի բաժնում հաղորդում է ստացվել, որ ժամը 14.00-ի սահմաններում «ՎԱԶ-21074» մակնիշի ավտոմեքենան Դրախտիկ-Սևան ճանապարհի 9-րդ կմ-ին բախվել է «Ֆոլքսվագեն-Վենտո» մակնիշի ավտոմեքենային, ինչի հետևանքով «Ֆոլքսվագեն-Վենտո»-ի ուղևորուհին  մարմնական վնասվածքով տեղափոխվել է հիվանդանոց:

Կատարվում է քննություն:

«Օպել»-ը բախվել է «Ռենո»-ին

Հունիսի 14-ին  ոստիկանության Շենգավիթի բաժնում հաղորդում է ստացվել, որ ժամը 19.00-ին 24-ամյա  Էդգար Մ.-ի վարած «Օպել» մակնիշի ավտոմեքենան Բագրատունյաց և Մասիսի փողոցների խաչմերուկում բախվել է 60-ամյա Սլավիկ Հ.-ի վարած «Ռենո» մակնիշի ավտոմեքենային, ինչի հետևանքով Էդգար Մ.-ն մարմնական վնասվածքներով տեղափոխվել է «Էրեբունի» բժշկական կենտրոն:

Կատարվում է քննություն: