ՀՀ Ազգային ժողովի նախագահ Հովիկ Աբրահամյանի կարգադրությամբ, բարեգործական եւ հայանպաստ երկարամյա ակտիվ գործունեության համար ազգային բարերար Ալբեր Բոյաջյանը պարգեւատրվել է Հայաստանի Հանրապետության Ազգային ժողովի Պատվո մեդալով:
Հունիսի 7-ին ՀՀ Ազգային ժողովում տեղի ունեցավ պարգեւատրման հանդիսավոր արարողությունը: Բարերարին հանձնելով ԱԺ բարձրագույն պարգեւը` խորհրդարանի նախագահ Հովիկ Աբրահամյանն ասաց.
«Հարգելի պարոն Բոյաջյան,
Ողջունում եմ Ձեզ Հայաստանի Հանրապետության Ազգային ժողովում: Շատ ուրախ ենք հյուրընկալել մի մարդու, ով իր անուրանալի ներդրումն ունի հայոց անկախ պետականության, Հայրենիք-Սփյուռք կապերի ամրապնդման, Հայաստանի ու Արցախի սոցիալ-տնտեսական զարգացման գործում:
Դուք կազմակերպիչն ու մասնակիցն եք բազմաթիվ հայանպաստ ձեռնարկների եւ մշտապես թիկունք եք կանգնել համազգային գաղափարների իրականացմանը թե Հայաստանի ու Լեռնային Ղարաբաղի հանրապետություններում, եւ թե Ամերիկայի Միացյալ Նահանգներում:
Մենք բարձր ենք գնահատում Ձեր ակտիվ մասնակցությունը «Հայաստան» համահայկական հիմնադրամի ազգանպաստ ու հայապահպան գործունեությանը»:
Նշելով, որ այս տարի լրանում է Հայաստանի երրորդ հանրապետության 20-ամյակը` ԱԺ նախագահն ասաց, որ անկախության հռչակումով առավել եւս պարտադրված ենք միասնականության, որովհետեւ պետության անկախության հարատեւման հիմնական երաշխիքը ժողովրդի միասնությունն է: Կարեւոր չէ, թե որտեղ են գտնվում այդ ժողովրդի հատվածները` Հայաստանո՞ւմ, ԱՄՆ-ո՞ւմ, Ֆրանսիայո՞ւմ, թե՞ Սիրիայում, որովհետեւ կա նրանց միավորող եւ միեւնույն ժամանակ քաջալերող անկախ հայրենիքը: «Դուք մեր ժողովրդի այն զավակներից եք, ով մշտապես գիտակցում է հայրենիքի շահը, երբեք չի մոռանում իր արմատները, միաժամանակ մնալով այն երկրի օրինապաշտ ու լիարժեք քաղաքացի, որտեղ ապրում եւ գործում է` դրանով իսկ կամրջելով միջպետական կապերը: Այսօր հայ-ամերիկյան հարաբերությունների առկա բարձր մակարդակի ապահովման մեջ նշանակալի է նաեւ Ձեր անձնական դերակատարությունը», — դիմելով բարերարին` ասաց Հովիկ Աբրահամյանը:«Հարգելի պարոն Բոյաջյան, Ձեր ծառայությունները մատուցելով հայրենիքին, Դուք բնավ չեք ակնկալել որեւէ փոխհատուցում` գիտակցելով, որ անկախ գտնվելու վայրից, հայրենիքին սատար կանգնելն ու նրա հզորացմանը նպաստելը յուրաքանչյուր հայի սրտի թելադրանքն է»:
Հայաստանի Հանրապետության Ազգային ժողովի եւ անձամբ իր անունից շնորհակալություն հայտնելով Ալբեր Բոյաջյանին` հայանպաստ ու ազգանվեր գործունեության համար եւ շնորհավորելով ՀՀ Ազգային ժողովի Պատվո մեդալի արժանանալու համար` ԱԺ նախագահ Հովիկ Աբրահամյանը հույս հայտնեց, որ ՀՀ ԱԺ բարձրագույն պարգեւն իր ուրույն տեղը կզբաղեցնի Հայաստանի, Լեռնային Ղարաբաղի եւ Ամերիկայի Միացյալ Նահանգների իշխանություններից բարերարի ստացած բարձր պարգեւների շարքում:
Շնորհակալություն հայտնելով բարձր պատվի եւ պարգեւի համար` Ալբեր Բոյաջյանը պատրաստակամություն հայտնեց այսուհետ եւս շարունակել մասնակցություն ունենալ հայրենիքի եւ հայ ժողովրդի հզորացմանն ուղղված ծրագրերին:
- 12:10Փորձում են վերացնել ՀՀ սահմանը պաշտպանելու Իրանի հնարավորությունները. իրանագետ
- 11:10Ադրբեջանցիները թալանել են Փառուխը, բնակիչները տեղահանված են
- 15:10Խաղաղության համար ՀՀ-ն ու Ադրբեջանը պետք է ստորագրեն Ադրբեջանի առաջարկած խաղաղության պայմանագիրը. Չավուշօղլու
- 14:10Իրանում հուզումների տակ թաքնված է թուրքական եւ ադրբեջանական պառակտիչ շրջանակների գործունեությունը․ Թուրքիան օգտագործում է իր լծակները՝ Իրանում իրավիճակն ապակայունացնելու համար
- 13:10Պուտինը հաստատել է ինքնակամ գերի հանձնվելու համար ազատազրկման չափը
- 12:10Նոյեմբերի 9-ի համաձայնագրում Ադրբեջան-Նախիջեւան երթուղու մասին ոչինչ չկա. Sputnik
- 11:10Բայրամովը ՄԱԿ-ի Գլխավոր ասամբլեայում կրկին խոսել է «Զանգեզուրի» միջանցքի մասով ադրբեջանական նկրտումների մասին
- 15:10Ադրբեջանի ՊՆ ղեկավարը հրահանգել է անհապաղ եւ վճռական կերպով ճնշել ցանկացած տիպի սադրանք
- 14:10Այս իշխանությունները Հայաստանը պաշտպանելու նպատակ չունեն. Կարեն Վրթանեսյան
- 13:10Ապաստարանների կահավորումը հիմա ավելի կարևոր է, քան մարդկանց պոտենցիալ խուճապը