Ընթացիկ տարում Իտալիայում ՀՀ դեսպանության հովանու ներքո հրատարակվել է Լեռնային Ղարաբաղի հիմնախնդիրը լուսաբանող իտալերեն երկու գիրք` Էմանուելե Ալիպրանդիի «Ղարաբաղի իրավունքները. փոքր երկրի եւ մեծ ժողովրդի պատմություն» եւ պրոֆ. Նիկոլայ Հովհաննիսյանի «Ղարաբաղի խնդիրը. փշոտ ճանապարհ դեպի ազատություն եւ անկախություն», որոնց շնորհանդեսը տեղի ունեցավ մայիսի 25-ին Իտալիայում ՀՀ դեսպանության եւ Իտալիայի Արտաքին գործերի նախարարության հովանու ներքո գործող Միջազգային կազմակերպությունների իտալական ընկերության (ՄԿԻԸ) (Società Italiana per l’Organizzazione Internazionale – SIOI) համատեղ կազմակերպմամբ: ՄԿԻԸ հանդիսանում է Իտալիայի ԱԳՆ համար դիվանագիտական տարբեր դասընթացներ կազմակերպող եւ իրականացնող ամենահեղինակավոր հաստատությունը:
Միջոցամանը ելույթներով հանդես եկան Իտալիայում ՀՀ դեսպան Ռուբեն Կարապետյանը, երկու գրքերի հեղինակները` պրոֆ. Նիկոլայ Հովհաննիսյանն ու Էմանուելե Ալիպրանդին, ինչպես նաեւ հայագետ, պատմաբան Մարկո Բայսը: Միջոցառումը վարում էր հայտնի վերլուծաբան պրոֆ. Ալեսանդրո Պոլիտին:
Իտալիայում ՀՀ դեսպան Ռուբեն Կարապետյանը իր ելույթում մասնավորապես նշեց, որ «միջոցառումն ունի երկակի կարեւորություն` ԼՂ հիմնախնդրի վերաբերյալ ոչ միայն առաջին անգամ իտալերեն լեզվով գիտական նման աշխատանքներ հրատարակելու, այլեւ առաջին անգամ Իտալիայի ԱԳՆ ռազմավարական կենտրոնում Հարավային Կովկասի համար առանցքային նշանակություն ունեցող Լեռնային Ղարաբաղի հիմնախնդրի վերաբերյալ միջոցառում կազմակերպելու տեսանկյունից»:
Դեսպան Կարապետյանը ներկայացրեց Լեռնային Ղարաբաղի հիմնախնդրի բանակցային գործընթացը, ինչպես նաեւ այդ գործընթացում Ադրբեջանի ապակառուցողական քաղաքականության դրսեւորումները: Նա հավելեց, որ «Արցախի անկախության միջազգային ճանաչումն անխուսափելի է»:
Այնուհետեւ ելույթ ունեցողները ներկայացրեցին Լեռնային Ղարաբաղի հիմնախնդրի ծագման պատճառներն ու հակամարտության ընթացքը, ներկայիս կարգավորման գործընթացը, ինչպես նաեւ անդրադարձան Արցախի պատմությանն ու նրա հարուստ պատմամշակութային ժառանգությանը:
Միջոցառմանը, որը տեղի ունեցավ ՄԿԻԸ-ի նստավայրում, ներկա էին ընթացիկ դիվանագիտական դասընթացներին մասնակցող ուսանողներ, իտալացի եւ օտարերկրյա բարձրաստիճան դիվանագետներ, իտալական համալսարանների ու գիտական հաստատությունների ղեկավարներ, իտալահայ համայնքի ներկայացուցիչներ:
- 15:23Արցախի ՊԲ-ն ներկայացրել է հայրենիքի պաշտպանության համար զոհված 36 զինծառայողների անունները
- 13:10Թուրքիայում ԱՄՆ դեսպանատունը զգուշացնում է ահաբեկչական հարձակումների եւ առեւանգումների վտանգի մասին
- 12:30Ի՞նչ կարող է արտահանել Հայաստանը Սաուդյան Արաբիա՝ թուրքական ապրանքների բոյկոտի արդյունքում
- 11:55Չի բացառվում, որ անհայտ կորած քաղաքացիները սպանվել են կամ խոշտանգվել. Արցախի ՄԻՊ
- 11:08Կորոնավիրուսով վարակման 2213 նոր դեպք մեկ օրում. մահացել է 16 մարդ
- 2:101800 դոլար և Թուրքիայի քաղաքացիություն․ «Նովայա գազետա»-ն` ԼՂ տեղափոխվող վարձկանների և պատերազմին նրանց մասնակցելու պայմանների մասին նոր մանրամասներ է ներկայացրել
- 14:10Ադրբեջանցի ռազմագերին պատմում է Թուրքիայից ժամանած զինվորական մասնագետների մասին
- 13:2527 նոր զոհ. ՊԲ-ն հրապարակել է մարտերում ընկածների անունները
- 12:30Պուտին. ԼՂ հակամարտության գոտում էսկալացիայի ընթացքում զոհերի ընդհանուր թիվը մոտենում է 5000-ի
- 11:35Կորոնավիրուսով վարակման 2474 նոր դեպք մեկ օրում. մահացել է 16 մարդ